حکومت کے کئی وزراء بیرون ملک فرار ہو سکتے ہیں معروف ماہر فلکیات کی 2022 سے متعلق تہلکہ خیز پیشگوئیاں

اسلام آباد (پی این آئی)سرگودھا کے ماہر فلکیات پیر عبدالحمید نے سال 2022کو میاں نواز شریف کی وطن واپسی اور الیکشن کا سال قرار دیتے ہوئے پی ٹی آئی کا ووٹ بنک کم ہونے اور عمران خان کیلئے مہنگائی اور بے روزگاری سمیت بحرانوں میں مزید اضافہ کی پیشگوئی کردی اور بتایا کہ امریکہ، جنوبی کوریا، بھارت،ترکی اور بنگلہ دیش کے سربراہان مملکت کے ستارے خطرات کا اشارہ دے کر انہیں سیکیورٹی کو سخت کرنے کا مشورہ دے رہے ہیں جبکہ ستاروں کے حساب سے چین تائیوان پر قبضہ اور سپر طاقت کا اعلان کر سکتا ہے۔روزنامہ جنگ کی رپورٹ کے

مطابق ماہر فلکیات پیر عبدالحمید نے بات چیت کرتے ہوئے مزید کہا کہ عمران خان کیلئے مہنگائی اور بے روز گاری سمیت بحرانوں کے بھنور میں شدت کا سگنل دے رہے ہیں ۔حکومت کے کئی وزراء بیرون ملک فرار ہو سکتے ہیں اور مسلم لیگ ق اور ایم کیو ایم اپنی سیاسی ساکھ کو برقرار نہیں رکھ پائیں گے۔2025 تک عالمی جنگ چڑھنے کے مسلسل اشارے مل رہے ہیں اس دوران چین تائیوان اور روس یوکرین پر قبضہ جما سکتے ہیں۔ستارے افغانستان حکومت کے روشن مستقبل کے ساتھ اس کے پاکستان میں نمایاں اثرات کا سگنل دے رہے ہیں۔