پشاور (پی این آئی) خیبر پختونخوا میں بلدیاتی انتخابات کی انتخابی مہم جاری ہے۔اس مہم کے دوران پشاور میں سرکاری مشینری کے استعمال کا انکشاف ہوا ہے، الیکشن کمیشن نے سرکاری کرین کی مدد سے پی ٹی آئی کے جھنڈے لگانے کی ویڈیو کا نوٹس لیتے ہوئے محکمہ سی این ڈبلیو کے آفیسر کو طلب کرلیا۔پشاور یونیورسٹی روڈپر بلدیاتی انتخابات سے قبل پی ٹی آئی کے لئے سرکاری مشینری کے استعمال کی ویڈیو وائرل ہونے پر الیکشن کمیشن نے نوٹس لے کر سی اینڈ ڈبلیو کے ایکس ای این کو دفتر طلب کرلیا۔
الیکشن کمیشن کے مطابق محکمہ سی اینڈ ڈبلیو کی کرین کی مدد سے پی ٹی آئی کی جھنڈیاں لگانے کی ویڈیو وائرل ہوئی تھی جس میں چند افراد سرکاری کرین سے حکمران جماعت کے جھنڈے لگاتے نظرآرہے ہیں۔سرکاری وسائل کا استعمال کرنے اور الیکشن ضابطہ اخلاق کی خلاف ورزی پر سوشل میڈیا پر تنقید ہوئی تھی۔۔۔۔۔
تازہ ترین خبروں کے لیے پی این آئی کا فیس بک پیج فالو کریں
