ملالہ یوسفزئی نے بیرونِ ملک ہی خاموشی سے شادی کر لی ، دولہا کون ہے اور کیسا دِکھتا ہے؟ تصاویر منظر عام پر آگئیں

برمنگھم (پی این آئی) پاکستانی نوبیل انعام یافتہ ملالہ یوسفزئی شادی کے بندھن میں بندھ گئیں۔ انہوں نے اپنے نکاح کی تصاویر ٹوئٹر پر پوسٹ کی ہیں۔ انہوں نے عاصر ملک سے شادی کی ہے جو کہ پاکستان کرکٹ بورڈ (پی سی بی) کی ہائی پرفارمنس اکیڈمی میں خدمات سر انجام دے رہے ہیں۔

Today marks a precious day in my life.
Asser and I tied the knot to be partners for life. We celebrated a small nikkah ceremony at home in Birmingham with our families. Please send us your prayers. We are excited to walk together for the journey ahead.
📸: @malinfezehai pic.twitter.com/SNRgm3ufWP

— Malala (@Malala) November 9, 2021

ملالہ یوسفزئی نے تصاویر شیئر کرتے ہوئے کہا کہ آج ان کی زندگی کا بہت بڑا دن ہے۔ وہ اور عاصر زندگی بھر کے پارٹنر بن گئے ہیں۔ وہ اپنی زندگی کا سفر آگے بڑھانے کیلئے پرجوش ہیں۔ملالہ یوسفزئی کا نکاح برطانیہ کے شہربرمنگھم میں ان کے گھر میں ہوا جس میں دونوں خاندانوں کے افراد نے شرکت کی۔ ملالہ یوسفزئی کے شوہر عاصر ملک پی سی بی کی ہائی پرفارمنس اکیڈمی میں بطور جنرل منیجر خدمات سر انجام دے رہے ہیں۔ اس سے قبل وہ پاکستان سپر لیگ (پی ایس ایل) کی فرنچائز ملتان سلطانز کے آپریشنل منیجر تھے۔ اس کے علاوہ وہ پلیئرز منیجمنٹ ایجنسی بھی چلاتے رہے ہیں۔

ملالہ یوسفزئی اور عاصر ملک کی گزشتہ کچھ عرصے سے ایک دوسرے سے دوستی تھی۔ دونوں پاکستان اور پی ایس ایل کے میچز میں بھی ایک دوسرے کے ساتھ نظر آتے رہے ہیں۔ اس کے علاوہ ملالہ یوسفزئی کی 24 ویں سالگرہ بھی دونوں نے ایک ساتھ منائی تھی۔