میٹرو ملازمین نے اہم اجلاس طلب کر لیا، ایجنڈا کیا ہے؟

لاہور (پی این آئی) میٹرو بس ملازمین نے آج گیارہ بجے ہنگامی اجلاس طلب کرلیا ہے۔ان ملازمیں کا کہنا ہے کہ آج کے ملازمین کے اس اہم اجلاس میں آئندہ کے لائحہ عمل کا اعلان ہوگا۔ذرائع کے مطابق میٹرو بس ملازمین نے اپنے واجبات کی ادائیگی کے لیے پانچ دن ہڑتال کی تھی۔ ہڑتال کے باعث پانچ دن میٹرو سروس بند رہی تھیں۔احتجاج کرنے والےملازمین کا کہنا ہے کہ پنجاب ٹرانزٹ اتھارٹی کے ایم ڈی کی یقین دہانی پر ہڑتال ختم کی گئی۔ملازمین نے مزید کہا کہ ہمارے واجبات کی ادائیگی نہیں کی جا رہی ہے۔۔۔۔۔

افغان باشندوں کی فوری چھان بین کا حکم دے دیا گیا

کراچی (پی این آئی) افغانستان میں ایک گروہ کے مکمل کنٹرول کے بعد افغانیوں کے اپنے ملک سے ممکنہ طور پر بڑے پیمانے پر انخلاء اور کراچی کا رخ کرنے کے خدشات کے پیش نظر کراچی پولیس کو فوری چھان بین کی ہدایت جاری کردی گئی ہے۔ سندھ پولیس کے ذرائع کے مطابق تمام تھانوں کی پولیس کو کراچی میں پہلے سے مقیم افغان باشندوں کا ڈیٹا اور تفصیلات فوری جمع کرنے کا حکم دیا گیا ہے۔ ان ذرائع کے مطابق اس سلسلے میں ہنگامی بنیادوں پر ایک فارم کا اجراء کیا جارہا ہے جو تمام تھانوں کو فوری فراہم کیا جائے گا جس میں افغانی باشندوں کا شمار، خاندان کے افراد کی تعداد، تفصیلات، رہائشی مکانات، قیام کی مدت، ان کے قیام کے اسٹیٹس وغیرہ سے متعلق سوالات شامل ہوں گے۔ یہ بھی معلومات جمع کی جائیں گی کے افغان باشندوں کے پاس پاکستان میں قیام کی کون کون سی دستاویزات موجود ہیں۔ ۔۔۔۔