جنید صفدراور عائشہ سیف کی آج شادی مریم نوازاورکیپٹن (ر) صفدرتقریب میں شرکت کرینگے یا نہیں؟پتہ چل گیا‎

اسلام آباد(پی این آئی)ن لیگ کی نائب صدر مریم نواز کے بیٹےاور نواز شریف کے نواسے جنید صفدر کی شادی آج ہو گی۔تفصیلات کے مطابق کیپٹن (ر)محمد صفدر اور مریم نواز شریف کے بیٹے جنید صفدر کی شادی سیف الرحمان کی بیٹی عائشہ سیف سے آج لندن میں ہو رہی ہے۔شادی کی تقریب میں جنید صفدر کے والدین مریم نواز اور محمد صفدر شرکت نہیں کر سکیں گے ۔ واضح رہے کہ سابق وزیر اعظم نواز شریف کے نواسے اور مریم صفدر کے صاحبزادے جنید صفدر کا نکاح22اگست کو لندن میں ہوگا۔ نجی ٹی وی کے مطابق جنید صفدر کا نکاح عائشہ سیف سے ہوگا۔ جنید صفدر کے نکاح کی تیاریاں شروع کر دی گئی ہیں۔ نجی ٹی وی کے مطابق شادی کی تقریب کے دعوت نامے بھی مہمانوں کو ارسال کر دیے گئے ہیں۔

ٹک ٹاکر خاتون سے بدسلوکی کرنے والوں کے چہرے دنیا کو دکھانے کا مطالبہ سامنے آ گیا

اسلام آباد (پی این آئی) مینار پاکستان پر خاتون ٹک ٹاکرکے ساتھ بدسلوکی کرنے والے لوگوں کو گرفتار کرنے کے بعد چہرے ڈھانپنے کی بجائے ان کی چہرے ساری دنیا کو دکھانے کا مطالبہ کر دیا گیا ہے۔ لاہو رمیں پیش آنے والے واقعے سے متعلق پی ٹی آئی کی وزیر زرتاج گل کا کہنا ہے کہ ملزمان کو عدالت میں پیش کرتے وقت ان کے چہرے کیوں ڈھانپےگئے؟ ان کا چہرہ بھی ساری دنیا کو دکھاتے۔ اسلام آباد میں تقریب سے خطاب کے دوران زرتاج گل کا کہنا تھا کہ جب وہ خاتون سے بدتمیزی کر رہے تھے تو انہوں نے اپنے چہرے نہیں ڈھانپے تھے، عوام کو ان لوگوں کے چہرے دکھائیں تاکہ ان کے والدین کی تربیت کا پتہ چلے۔انہوں نے مزیدکہا کہ علمائے کرام بتائیں کہ کیا ان کا کام صرف جنت کا سرٹیفکیٹ دینا اور جہنم واصل کروانا ہے، جب خواتین پر ظلم کے واقعات ہوتے ہیں تو وہ گم کیوں ہو جاتے ہیں،ا ن کا کوئی بیان کیوں نہیں آتا؟