سوات جلسے سے قبل مریم اورنگزیب کی تفریحی ویڈیو سوشل میڈیا پر وائرل

اسلام آباد ( آن لائن ) پاکستان مسلم لیگ ن کی رہنما مریم اورنگزیب کی سوات میں تفریحی ویڈیو سوشل میڈیا پر وائرل ہو گئی۔پی ڈی ایم کے سوات میں جلسے سے قبل مریم اورنگزیب کی سوات میں تفریحی ویڈیو منظر عام پر آئی ہے۔مریم اورنگزیب کو سوات میں زپ لائن کے مزے لیتے دیکھا جا سکتا ہے۔مریم اورنگزیب کی ویڈیوپر تحریک انصاف کے رہنماؤں کا بھی ردِعمل سامنے آیا ہے۔وزیراعلیٰ خیبرپختونخوا کے معاون خصوصی کامران بنگش کا کہنا ہے کہ پی ڈی ایم جلسہ کیلئے آئی ہوئی مریم اورنگزیب نے سوات میں خیبر پختونخوا حکومت کی لگائی ہوئی زِپ لائن کوخوب انجوائے کیا۔ہم مہمان نوازوں کی دھرتی اورسیاحوں کی جنت میں خیبرپختونخوا حکومت کی بہترین سہولیات کی فراہمی سے محظوظ سیرسپا ٹوں میں مگن ابو بچاؤ تحریک والوں کیکارکن گراؤنڈ میں منتظر ہیں۔ جب کہ وفاقی وزیر اطلاعات فواد چوہدری کا کہنا ہے کہ امید ہے نون لیگ کی لیڈرشپ سوات میں اچھی تفریحی سہولتوں سے خوب لطف اندوز ہوئی ہو گی، ایک اچھی حکومت کے ثمرات سے ہر شہری فائدہ اٹھاتا ہے چاہے۔ وہ حکومت کا مخالف ہی کیوں نہ ہو، انہوں نے مزید کہا کہمحمود خان لالہ سے کہا ہے ان مہمانوں کا خیال بھی رکھیں لیکن ان پر نظر بھی رکھیں۔