اسلام آباد(پی این آئی)مجھے نہ مارو میں یونیورسٹی کا پروفیسر ہوں، جرمنی سے پی ایچ ڈی کرکے پاکستان آنے والے پشاور یونیورسٹی کے سراپا احتجاج پروفیسر پر پولیس کا تشدد، ویڈیو سوشل میڈیا پر وائرل ہوگئی، تفصیلات کے مطابق پشاور میں پولیس اہلکاروں کی جانب سے پروفیسر پر تشدد کرنے کی ویڈیو سوشل میڈیا پر وائرل ہو گئی ہے، جس میں دیکھا جا سکتا ہے، تین سے چار پولیس اہلکاروں کی جانب سے یونیورسٹی کے پروفیسر کو تشدد کا نشانہ بنایا جا رہا ہے، پروفیسر پولیس اہلکاروں سے درخواست کر رہے ہیں کہ میں خود پروفیسر ہوں، مجھے نہ ماریں،واقعہ پر سوشل میڈیا صارفین کی جانب سے شدید ردعمل سامنے آرہا ہے ، ایک ٹوئٹر صارف نے کہا کہ یہ ویڈیو دیکھ کر بہت افسوس ہوا ،دکھ ہوا کہ کیا پاکستان کے لئے جدوجہد کرنے والوں نے یہ ملک اس لئے بنایا تھا کہ اس ملک میں اساتذہ پر لاٹھی چارج ہوگا شیلنگ ہوگی ،سیاستدان جب اپوزیشن میں ہوں تو احتجاج ان کا آئینی حق ہے لیکن جب اقتدار میں آتے ہیں تو احتجاج کرنے والوں پر تشدد کرتے ہیں۔
تازہ ترین خبروں کے لیے پی این آئی کا فیس بک پیج فالو کریں
