چوہدری نثار کا صوبائی اسمبلی کی نشست پر حلف اٹھانے کا فیصلہ،حکومت نے بھی چوہدری نثار کو روکنے کی تیاریاں کر لیں، کیا ہونیوالا ہے؟

لاہور(پی این آئی )سابق وزیر داخلہ چوہدری نثار کے بارے میں خبریں ہیں کہ وہ جلد ہی صوبائی اسمبلی کی نشست پر حلف لینے جارہے ہیں اور ان کی اہم ترین سیاسی ملاقاتیں بھی جاری ہیں لیکن اب حکومت نے ان کے حلف برداری کو روکنے کیلئے تکنیکی بنیادوں پر تیاری شروع کر دی ہے ۔نجی ٹی وی نے ذرائع کے حوالے سے کہاہے کہ ارکان اسمبلی کے حلف اٹھانے کی مدت کے بارے آرڈیننس کابینہ سے منظور ہوچکا ہے، پنجاب حکومت کی جانب سے جواز بنا کر حلف روکنے کی کوشش کی جائے گی۔وزیر قانون فروغ نسیم کے قریبی ذرائع کا کہنا ہے کہ جب تک آرڈیننس کا باضابطہ نفاز نہیں ہوجاتا، حلف اٹھانے میں کوئی ممانعت نہیں، قومی اسمبلی اور سینیٹ کے اجلاس کے دوران آرڈیننس نہیں آسکتا، قانونی اور آئینی جواز بنا کر پنجاب حکومت مزید وقت لینا چاہتی ہے۔ذرائع کے مطابق موجودہ سیاسی صورتحال میں عثمان بزدار اور جہانگیر ترین کی سیاست کو حلف سے جوڑنے کی کوشش کی جا رہی ہے۔ چوہدری نثار حلف سے قبل تمام سیاسی پہلووں کو پبلک کر سکتے ہیں اور وہ اپنے حلقے کی جیتی ہوئی نشست کو ضائع نہیں کرنا چاہتے، حکومت آرڈیننس کے زریعے اسحاق ڈار کی جگہ شوکت ترین کو سینیٹر منتخب کرانا چاہتی ہے۔