وزیراعظم اور خاتون اول نے عمرے کی سعادت حاصل کرلی، خانہ کعبہ کا دروازہ خصوصی طور پر کھولا گیا، خانہ کعبہ کے اندر نوافل کی ادا ئیگی بھی کی

مکہ مکرمہ(پی این آئی ) وزیراعظم عمران خان اور خاتون اول بشری بی بی نے عمرے کی سعادت حاصل کرلی،وزیراعظم اور وفد کے لیے خانہ کعبہ کا دروازہ خصوصی طور پر کھولا گیا، وزیراعظم، خاتون اول اور وفد نے خانہ کعبہ کے اندر نوافل ادا کیے۔ اتوار کو معاون خصوصی برائے سیاسی روابط شہباز گل نے سماجی رابطے کی ویب سائٹ ٹویٹر پر بتایا کہ وزیراعظم عمران خان اور خاتون اول نے عمرے کی سعادت حاصل کرلی۔شہباز گل نے لکھا کہ وزیراعظم اور وفد کے لیے خانہ کعبہ کا دروازہ خصوصی طور پر کھولا گیا، وزیراعظم، خاتون اول اور وفد نے خانہ کعبہ کے اندر نوافل ادا کیے۔اس سے قبل وزیرِاعظم عمران خان نے گزشتہ روز اپنے وفد کے ہمراہ روضہ رسول ؐ حاضری دی تھی، انہوں نے پاکستان کی ترقی و خوشحالی، امت مسلمہ کی یکجہتی، کورونا وبا ء سے نجات کے لئے خصوصی دعا کی۔وزیرِاعظم نے وفد سمیت مسجدِ نبوی  ؐ میں افطار بھی کیا اور نمازِ مغرب اور عشا ادا کی تھی۔ وزیراعظم عمران خان اور خاتون اول بشری بی بی نے عمرے کی سعادت حاصل کرلی،وزیراعظم اور وفد کے لیے خانہ کعبہ کا دروازہ خصوصی طور پر کھولا گیا، وزیراعظم، خاتون اول اور وفد نے خانہ کعبہ کے اندر نوافل ادا کیے۔