پی ٹی آئی ٹوٹ نہیں رہی بلکہ ٹوٹ چکی ہے، جہانگیر ترین گروپ اس سے کہیں بڑا ہے جتنا نظر آتا ہے،وزیراعظم کیلئے خطرے کی گھنٹی بج گئی

لاہور (پی این آئی) پاکستان مسلم لیگ ن کی نائب صدر مریم نواز نے کہا ہے کہ آر پار تو ہوا اور حکومت ہل گئی ، پی ٹی آئی ٹوٹ نہیں رہی بلکہ ٹوٹ چکی ہے، جہانگیر ترین گروپ اس سے کہیں بڑا ہے جتنا نظر آتا ہے ، ن لیگ حکومت کی غلطیوں کا بوجھ اٹھانے کے لیے تیار نہیں ، مسلم لیگ ن انہیں آسانی سے فرار کا راستہ نہیں دے گی ، میں چاہتی ہوں یہ 5 سال پورے کرے تاکہ یہ کل کو عوام کو یہ نہ کہہ سکے کہ ہمیں پانچ سال ملتے تو ہم یہ کر دیتے ہم وہ کردیتے ہیں ، جو تین سالوں میں کچھ نہیں کر سکا ، وہ پانچ سالوں میں بھی کچھ نہیں کر پائے گا۔ نجی ٹی وی کو انٹرویو میں انہوں نے کہا کہ آج مسلم لیگ ن تو نہیں توٹی بلکہ پی ٹی ائی ضرور ٹوٹ چکی ہے ، مسلم لیگ کے ہر لیڈر کو جیل میں ڈالا گیا لیکن مسلم لیگ ن نہ ٹوٹی آج پی ٹی آئی ٹوٹ گئی ہے ، عمران خان کو خوف ہے کیوں کہ شہباز شریف کو اپنے متبادل کے طور پر دیکھتا ہے ، شہباز شریف اپنے بھائی کو دھوکہ دے دیں تو آج وزیر اعظم ہوں گے۔مسلم لیگ ن کی نائب صدر نے کہا کہ اس وقت حکومت بنانا ہمارا مقصد ہوتا تو یہ دو منٹ کی گیم تھی لیکن ہم چاہتے ہیں کہ پاکستان کو آئین کے تحت چلایا جائے حکومتیں بنانے اور گرانے میں اسٹیبلشمنٹ اور اداروں کو کردار ختم ہو اور ہر ادارہ اپنی آئینی حدود میں رہتے ہوئے کام کرے ، شہباز شریف کا اگر چہ مزاج مختلف ہے لیکن ن لیگ میں بیانیہ صرف نواز شریف کا ہی چلے گا ، شہباز شریف صاحب بھی بیانیہ نواز شریف کا ہی مانتے ہیں اور میں اس سوال کا جواب دے دے کر تھک گئی ہوں۔مریم نواز نے کہا کہ یہ نہیں چاہتے کہ نواز شریف پاکستانی سیاست میں ایکٹیو ہو کیوں کہ اگر نواز شریف سیاست میں ان ہوں گے تو نہ سلیکٹرز نظر آئیں گے اور نہ سلیکٹڈ کہیں نظر آئیں گے ، اب لوگ مسلم لیگ ن کے ساتھ کھڑے ہوں گے ، اس ملک کی ترقی کے لیے کھڑے ہوں گے ، جیسے ہی الیکشن کا وقت قریب آئے گا لوگ نواز شریف کے ساتھ کھڑے ہوں گے ، ووٹ کو عزت دو بیانیہ کا ساتھ دیں گے ، ن لیگ کو ووٹ دیں گے اور جیت نواز شریف کی ہوگی۔