تعلیمی ادارے کھولے جائیں گے یا نہیں؟ فیصلہ آج ہوگا

اسلام آباد(آئی این پی)وفاقی وزیر تعلیم شفقت محمود نے اعلان کیا ہے کہ تعلیمی ادارے کھولنے یا بند رکھنے سے متعلق حتمی فیصلہ (آج)منگل کے روز ہونے والے این سی او سی کے اجلاس میں ہوگا۔پیر کوسماجی رابطے کی ویب سائٹ ٹوئیٹر پر اپنے پیغام میں وفاقی وزیر تعلیم شفقت محمود نے کہا کہ تعلیم اور صحت کے وزرا منگل کو این سی او سی کے اجلاس میں ملاقات کریں گے جس دوران تعلیمی ادارے کھولنے یا مزید بند رکھنے سے متعلق فیصلہ کیا

جائے گا۔اپنے پیغام میں انہوں نے مزید کہا کہ اجلاس میں امتحانات کے بارے میں مشاورت بھی کی جائے گی۔وزیر تعلیم نے کہا کہ اجلاس میں جو بھی فیصلہ ہو گا وہ ملک کے تعلیم اور صحت کے حکام ، این سی اوسی کا مشترکہ فیصلہ ہو گا۔ میٹرک اور انٹرمیڈیٹ کے امتحانات ملتوی کریں، طلبا کا احتجاج زور پکڑ گیا، بڑی خبر آگئی لاہور(پی این آئی )میٹرک اور انٹر کے طلبہ نے مال روڈ پر پنجاب اسمبلی کے سامنے احتجاج کرتے ہوئے حکومت سے امتحانات ملتوی کرنے کا مطالبہ کیا ہے۔تفصیلات کے مطابق چند روز قبل لاہور بورڈ کی جانب سے طلبہ کو آگاہ کیا گیا تھاکہ میٹرک امتحان کا آغاز 4 مئی سے اور انٹرمیڈیٹ امتحانات کا آغاز 12 جون سے ہو گا۔بورڈ کے اعلان کے بعد طلبہ کی بڑی تعداد نےپنجاب اسمبلی کے سامنے مظاہرہ کیا۔مظاہرین کا کہناتھا کہ کورونا لاک ڈاون کے تحت سکول بند ہونے سے سلیبس کور نہیں کروایا گیا،سلیبس کور نہیں ہے تو امتحانات کیسے دیں؟ طلبہ نے وفاقی وزیر تعلیم شفقت محمود اور صوبائی وزیر تعلیم مراد راس سے امتحانات ملتوی کرنے کا مطالبہ کیا۔احتجاجی مظاہرے کے باعث مال روڈ پر ٹریفک کا نظام درہم برہم ہوگیا اور گاڑیوں کی لمبی لائنیں لگ گئیں جس کے باعث شہریوں کو مشکلات کا سامنا کرنا پڑا۔