روسی ویکسین کی مقررہ قیمت سے زیادہ وصولی کی شکایت ، ٹرانسپرنسی انٹرنیشنل نے وزیراعظم عمران خان کو خط لکھ دیا

اسلام آباد(آئی این پی )ٹرانسپرنسی انٹرنیشنل پاکستان نے روس کی کورونا ویکسین کی قیمت کے معاملے پر وفاقی حکومت کو ایک اورخط لکھ دیا۔خط میں ٹرانسپرنسی انٹرنیشنل پاکستان کا کہنا ہے کہ روسی ویکسین اسپوٹنک V کی مقررہ قیمت سیزیادہ وصولی کی شکایت موصول ہوئی ہے۔خط کے متن کے مطابق

نجی کمپنی مقررہ قیمت سیزیادہ وصول کررہی ہے، نجی کمپنی ویکسین اسپوٹنک V کی 50ہزارخوراکیں درآمد کررہی ہے۔ خط میں کہا گیا ہے کہ نجی کمپنی نے ویکسین سرکاری اورنجی اسپتالوں کو فروخت کرنیکا اعلان کررکھا ہے لہذا اندیشہ ہے کہ نجی کمپنی وفاقی اور صوبائی حکومتوں کو3 گنا تک زیادہ قیمت پرویکسین فروخت کریگی۔خط میں ٹرانسپرنسی انٹرنیشنل نے خدشہ ظاہر کیا ہے کہ قومی خزانے کو اس خریداری سے بھاری نقصان اٹھانا پڑے گا۔خط کے متن کے مطابق ویکسین اسپوٹنک V کی دوخوراکوں کی قیمت25 کی بجائے 54 ڈالر مقررکی گئی ہے، حکومت نے ویکسین کی خریداری کیلئے 25 کروڑ ڈالر مختص کیے ہیں اور ویکسین کی 54 ڈالرپرخریداری سے قومی خزانیکوبھاری نقصان کا اندیشہ ہے۔ٹرانسپرنسی انٹرنیشنل نے خط کی کاپی سپریم کورٹ اور قومی احتساب بیورو (نیب)کو بھی بھجوا دی ہے۔خیال رہے کہ گزشتہ دنوں پاکستان میں کورونا ویکسین کی نجی اداروں کے ذریعے درآمد اور فروخت کے معاملے پر ٹرانسپرنسی انٹرنیشنل پاکستان کی وائس چیئرپرسن جسٹس(ر) ناصرہ جاوید اقبال نے وزیراعظم کو خط لکھا تھا۔۔۔۔۔۔