کراچی(پی این آئی) سابق صدر آصف علی زردادی اور سابق وزیر اعظم نوازشریف نے سابق وزیراعظم یوسف رضا گیلانی کو سینیٹ میں کامیابی دلانے کا عہد کر لیا۔نجی ٹی وی کے مطابق پیپلز پارٹی اور ن لیگ کی قیادت نے سابق وزیراعظم یوسف رضا گیلانی کو سینیٹ میں کامیابی دلانے کی ٹھا ن لی۔ اس مقصدکیلئے ن
لیگ کے قائد نواز شریف اور پیپلز پارٹی کے شریک چیئرمین آصف علی زرداری میں اعلی سطح کا رابطہ ہوا ہے۔ دونوں رہنماؤں کے درمیان ٹیلی فونک گفتگو میں سینیٹ انتخابات سمیت سیاسی صورتحال پر تبادلہ خیا ل ہوا، گفتگو کے دوران دونوں رہنماوں نے سابق وزیراعظم یوسف رضا گیلانی کو سینیٹ انتخابات میں کامیاب کرانے کا عہد کیا۔دوسری طرف سابق وزیراعظم یوسف رضا گیلانی بھی کامیابی کا حتمی پلان تیار کرنے کراچی پہنچ گے، جہاں وہ پیپلز پارٹی کے چیئرمین بلاول بھٹو زرداری اور سابق صدر آصف علی زرداری سے مشاورت کرینگے۔ذرائع نے بتایا کہ یوسف رضا گیلانی نے کاغذات نامزدگی منظور ہوتے ہی مریم نواز اور مولانا فضل الرحمان سے بھی رابطہ کیا جبکہ یوسف رضا گیلانی جلد ہی اہم سیاسی شخصیات سے بھی ملاقاتیں کریں گے ۔
تازہ ترین خبروں کے لیے پی این آئی کا فیس بک پیج فالو کریں
