لاہور(آئی این پی ) وزیراعلی پنجاب عثمان بزدار نے کہا ہے کہ الیکشن میں شفافیت کیلئے اوپن بیلٹ ضروری ہے، پنجاب میں تحریک انصاف کے امیدواروں کو کامیاب کرانے کیلئے حکمت عملی طے کر لی ہے۔ وزیراعلی عثمان بزدار سے پاکستان تحریک انصاف کے چیف آرگنائزر سیف اللہ خان نیازی کی قیادت میں وفد
نے ملاقات کی، جس میں سیاسی صورتحال، پارٹی امور اور سینیٹ کے انتخابات کے حوالے سے لائحہ عمل پر گفتگو کی گئی۔ وزیراعلی پنجاب نے سینیٹ الیکشن کیلئے تحریک انصاف کے امیدواروں سیف اللہ خان نیازی، اعجاز احمد چودھری اور دیگر کیلئے نیک خواہشات کا اظہار کیا۔ عثمان بزدار کا کہنا تھا کہ سینیٹ الیکشن میں منڈیاں لگانے والوں کو ناکامی کا سامنا کرنا پڑے گا، اوپن بیلٹ کی مخالفت کرنے والوں کے اندر خوف ہے اور انہیں شکست نظر آ رہی ہے، ہارے ہوئے عناصر کو ایک بار پھر منہ کی کھانا پڑے گی، انشا اللہ سینیٹ الیکشن میں اکثریتی پارٹی بن کر سامنے آئیں گے، عوام اپوزیشن عناصر کے دوغلے چہروں کو پہچان چکے ہیں۔ سیف اللہ خان نیازی نے کہا کہ وزیراعظم عمران خان اور عثمان بزدار نے حکومتی امور میں شفافیت کی مثال قائم کی ہے، عوام کو تحریک انصاف کی قیادت پر مکمل اعتماد ہے، اپوزیشن کا منفی بیانیہ پٹ چکا ہے، سینیٹ الیکشن میں اوپن بیلٹ کی مخالفت سے ان کے چہرے سے جمہوری لبادہ اتر چکا ہے، یہ لوگ صرف پیسے کی سیاست کرنے کے عادی ہیں۔۔۔۔ بطور انسان غلطی ہوسکتی ہے لیکن جان بوجھ کر غلط فیصلہ نہیں کروں گا، وزیراعظم عمران خان نے قوم کو کیا یقین دہانی کرا دی؟ اسلام آباد(پی این آئی) وزیراعظم عمران خان نے کہا ہے کہ یقین رکھیں! ملک وقوم کے مفاد میں بہترفیصلے کروں گا، بطور انسان
غلطی ہوسکتی ہے لیکن جان بوجھ کر غلط فیصلہ نہیں کروں گا، آئندہ الیکشن کیلئے امیدواروں کا چناؤ شروع کردیا، انتخابی مہم کی نگرانی بھی خود کروں گا۔ انہوں نے پی ٹی آئی سندھ کے ارکان اسمبلی سے ویڈیو لنک پراجلاس کے دوران گفتگو کرتے ہوئے کہا کہ سندھ کے لوگوں میں شعور بڑھ رہا ہے،آئندہ الیکشن میں انتخابی مہم کی خود نگرانی کروں گا، اگلے الیکشن کیلئے ابھی سے اچھے امیدواروں پر کام کررہے ہیں، انہوں نے کہا کہ یقین رکھو!ملک وقوم کے مفاد میں بہتر فیصلے کروں گا، بطور انسان غلطی ہوسکتی ہے لیکن جان بوجھ کر غلط فیصلہ نہیں کروں گا۔اجلاس میں پی ٹی آئی ایم پی ایز نے سینیٹ امیدواروں پر تحفظات کابھی اظہار کیا۔کچھ ارکان نے کہا کہ آئی جی سندھ کو تبدیل کیا جائے، ہم سے سکیورٹی واپس لے لی گئی ہے جو کہ خطرناک ہے۔اس سے قبل وزیر اعظم عمران خان کی زیرصدارت وفاقی کابینہ کا اجلاس ہوا، وفاقی کابینہ کے اجلاس میں سینٹ انتخابات سے متعلق بھی طویل بحث کی گئی۔ اجلاس میں یوسف رضا گیلانی سے متعلق وزراء نے کہا کہ یوسف رضا گیلانی سزایافتہ ہیں اور پہلے بھی نااہل ہو چکے۔جبکہ حفیظ شیخ درست چوائس ہیں، ان پر کوئی کیس نہیں ہے۔ وزیراعظم نے حفیظ شیخ کی جیت یقینی بنانے کے لیے وزرا کو ٹاسک سونپ دے دیا ہے۔ وزراء حکومتی امیدواروں کیلئے سینیٹ الیکشن تک متحرک رہیں۔ ہر وزیر نے تعلقات کی
بنا پر ووٹ مانگنے کی ذمہ داری لے لی ہے۔ جبکہ حکومتی رکن اپوزیشن ارکان سے ووٹ کیلئے رابطے بھی کریں گے۔ وزیراعظم عمران خان نے کہا کہ بدقسمی سے ایک نااہل شخص سینیٹ الیکشن لڑ رہا ہے۔ تمام پارٹی رہنماء سینیٹ الیکشن پر توجہ دیں۔ سینیٹ الیکشن میں پی ٹی آئی کو کامیابی ملے گی۔
تازہ ترین خبروں کے لیے پی این آئی کا فیس بک پیج فالو کریں
