اسلام آباد(آئی این پی ) حکومت نے بجلی بنانے والی نجی کمپنیوں (آئی پی پیز) کو 403 ارب روپے جاری کرنے کا فیصلہ کیا ہے جن میں سے دو بڑی آئی پی پیز حب کو اور کیپکو کو 156 ارب98 کروڑ30 لاکھ ادا ہوں گے۔ تفصیلات کے مطابق حکومت آئی پی پیز کو 403 ارب روپے کی رقوم دینے کے لئے تیار ہے،
اور دو بڑی آئی پی پیز حبکو اور کیپکو کو 156 ارب98 کروڑ30 لاکھ ادا ہوں گے۔ دستاویزات میں انکشاف ہوا ہے کہ 1994 کے معاہدوں والی 6 آئی پی پیز کی قابل ادا رقوم 57 ارب21 کروڑ روپے، 2002 کے معاہدوں والی 12 آئی پی پیز کو 145 ارب 70 کروڑ 20لاکھ ، قابل تجدید توانائی کے 26 آئی پی پیز کو 43 ارب 30 کروڑ 30 لاکھ ادا کیے جائیں گے۔ ذرائع کا کہنا ہے کہ 46 آئی پی پیز کی 403 ارب کی قابل ادا رقم دو اقساط میں ادائیگیاں ہوں گی، اور بھاری بھرکم ادائیگیوں کے لیے حکومت نے مختلف آپشنز پر غور شروع کر دیا ہے، جب کہ حکومتی ٹیم نے دعوی کیا ہے کہ ایندھن، آپریشن اینڈ مینٹیننس، شرح منافع میں کمی اور دوبارہ معاہدوں سے 836 ارب کی بچت ہوگی۔۔۔۔’’ہمیں ضرورت نہیں کہ ہم سب بچوں کے ماں باپ بن جائیں‘‘ فواد چودھری نے لڑکیوں پرجینز پہننے کی پابندی کی مخالفت کردیراولپنڈی(پی این آئی ) وفاقی وزیر برائے سائنس و ٹیکنالوجی فواد چودھری نے کہا ہے کہ ہمیں ضرورت نہیں ہم سب کے بچوں کے ماں باپ بن جائیں، عبایا لینے والے عبایا لیں، جینز پہننے والے جینز پہنیں، ہمیں کسی پر پابندی نہیں لگانی چاہئیے۔راولپنڈی کی نجی یونیورسٹی میں انٹرنیشنل میڈیا کانفرنس سے خطاب کرتے ہوئے انہوں نے مزید کہا کہ ہماری ٹیکنالوجی کو عدالتوں کیوجہ سے دھچکا لگا۔قوفاقی وزیر سائنس و ٹیکنالوجی فواد چوہدری نے کہا ہے کہ بدقسمتی سے
ملک میں ٹیکنالوجی کو سب سے زیادہ جھٹکا عدلیہ سے لگاہے، 2014 کے عدالتی فیصلوں سے یو ٹیوب بھارت شفٹ ہوگئیں۔ جہاں ملتا ہوں ججز کو ہاتھ جوڑ کر کہتا ہوں ٹیکنالوجی کے کیسز نہ سنا کریں۔راولپنڈی میں سیمینار سے خطاب کے دوران فواد چوہدری نے کہا کہ میڈیا میں انقلاب آگیا ہے زیادہ میڈیا یوٹیوب پر آچکا ہے، گزشتہ ڈھائی سال میں ہمارا میڈیا یونیورسٹی چینلز، ٹوئٹر اور فیس بک کی جانب تیزی سے بڑھا، پاکستان میں صحافت کی تعلیم کے 43 ادارے ہیں ان کے نصاب کی تجدید کی ضرورت ہے۔ ہمیں مستقبل کی مارکیٹ پر نظر رکھنی ہے، یہ ممکن نہیں کہ یونیورسٹی سے ڈگری لیں اور پتہ چلے اس کی کوئی اہمیت ہی نہیں۔فواد چوہدری نے کہا کہ پابندی کے کلچر نے ہر شعبے کو متاثر کیا ہے،ا نفرادیت اور انفرادی سوچ کو ختم نہیں کرنا چاہیے، بے روزگاری غیر ملکی سرمایہ کاری سے ختم ہوگی، سب لوگ ایک جیسے نہیں ہوسکتے مختلف اقسام کی سوچ ترقی کی علامت ہوتی ہے۔ لوگوں پر اپنی سوچ تھوپنے سے سوسائٹی تباہ ہو جاتی ہے یاست ہر چیز ریگولیٹ نہیں کر سکتی، یا کرنا ہے اس کا فیصلہ انفرادی طور پر بھی کرنے دیں۔وفاقی وزیر نے کہا کہ بیروزگاری تب ختم ہو گی جب بیرونی سرمایہ کار پاکستان آئے گا، یوٹیوب، فیس بک اور گوگل صرف ایپلی کیشنز نہیں بلکہ اب ملک بن چکے ہیں جن پر بہت سرمایہ کاری ہے، ایپل کا بجٹ کئی ممالک کے بجٹ سے زیادہ ہے، واٹس ایپ 22 بلین ڈالر کی کمپنی ہے، یہ بڑی کمپنیاں جس ملک میں جاتی ہیں
وہاں ترقی ہوتی ہے، ہم نے ٹک ٹاک بند کر دیا۔ ہمیں بھی ان سے ملکوں کی طرح رابطے رکھنے چاہیے، بدقسمتی سے ٹیکنالوجی کو سب سے زیادہ جھٹکا عدلیہ سے لگا، 2014 کے عدالتی فیصلوں سے یو ٹیوب بھارت شفٹ ہوگئیں۔
تازہ ترین خبروں کے لیے پی این آئی کا فیس بک پیج فالو کریں
