ڈی جی آئی ایس پی آر نے بیان خوش طبعی میں دیا ، میں نے جواب بھی خوش طبعی میں دے دیا ، مولانا فضل الرحمان کا موڈ اچھا ہو گیا

کوئٹہ (آئی این پی)سربراہ پی ڈی ایم فضل الرحمان نے کہا ہے کہ ڈی جی آئی ایس پی آر نے بیان خوش طبعی میں دیا ہے اور میں نے جواب بھی خوش طبعی میں مالاکنڈ جلسے میں دے دیا ہے کہ آپ خود تو پاپا جونز کے پیزے کھائیں اور ہمیں چائے پر ٹرخائیں، چائے پانی پر تو انہوں نے ابھی نندن کو بھی ٹرخایا تھا، ہمیں ان کے

برابر تو نہ سمجھائیں۔ منگل کوسربراہ پی ڈی ایم فضل الرحمان نے کوئٹہ میں میڈیا سے گفتگو کرتے ہوئے کہا کہ پوری قوم اس بات پر متفق ہے کہ موجودہ حکومت دھاندلی زدہ ہے اور عوام کا مینڈیٹ نہیں ہے اور چوری کیا ہوا، مینڈیٹ ہے جبکہ حکومت کو استعفیٰ دینا پڑے گا۔ فضل الرحمان ڈی جی آئی ایس پی آر نے بیان خوش طبعی میں دیا ہے اور میں نے بھی جواب خوش طبعی میں دے دیا ہے کہ آپ خود تو پاپا جانز کے پیزے کھائیں اور ہمیں چائے اور پانی ٹرخائیں جبکہ چائے پانی پر تو انہوں نے ابھی نندی کو بھی ٹرخایا تھا ہمیں ان کے برابر تو نہ سمجھائیں۔ فضل الرحمان نے کہا کہ ہماری ریلیاں کامیاب ہو رہی ہیں اور قومی تحریک کا درجہ اختیار کرلیا ہے، عوام کی شرکت بڑھ رہی ہے۔ انہوں نے کہا کہ ہماری کوشش ہے کہ جلد سے جلد اس نالائق اور نا اہل حکومت سے عوام یک جان چھوٹ جائے۔ سوال کے جواب میں فضل الرحمان نے کہا کہ ملک میں دہشت گردی کے خاتمے کا دعویٰ کیا گیا لیکن مچھ جیسا بڑا واقعہ ہو گیا اور آئے روز قبائلی اضلاع میں ٹارگٹ کلنگ ہورہی ہے تو عوام کو بتایا جائے کہ اتنے بڑے جھوٹ کا دعویٰ کیوں کیا گیا کہ ملک سے دہشت گردی کاخاتمہ ہو گیا ہے یا پھر اپنے جھوٹ کا اعتراف کریں۔۔۔۔کون سا وزیر نشانہ بن گیا؟ وزیراعظم نے وزراء کی کارکردگی پر عدم اطمینان کا اظہار کر دیااسلام آباد(آئی این پی ) وفاقی کابینہ اجلاس میں وزیراعظم

نے وزرا کی کارکردگی پر عدم اطمینان کا اظہار کرتے ہوئے کہا کہ وزرا اپنی کارکردگی اور وزارتوں پر گرفت بہتر بنائیں، شہریوں کے مسائل سے جڑی وزارتوں کے پاس غلطی کی گنجائش نہیں ہونی چاہیے ، اسامہ ستی کے والدین حکومتی کارروائی سے مطمئننہیں تو ہائیکورٹ کے جج سے تحقیقات کروائیں، سانحہ مچھ کے ذمہ داروں کو کیفر کردار تک پہنچائیں گے۔ منگل کو عمران خان کی زیرصدارت وفاقی کابینہ کا اجلاس ہوا جس میں ہفتے کی رات کو ملک گیر بجلی بریک ڈاون سے متعلق ابتدائی رپورٹ پیش کی گئی۔ عمر ایوب نے کابینہ کو بریفنگ دیتے ہوئے کہا کہ بجلی بریک ڈان ایک انسانی غلطی سے ہوا، غفلت برتنے والے ملازمین کے خلاف کارروائی کی جارہی ہے۔وزیراعظم عمران خان نے وزرا کی کارکردگی پر عدم اطمینان کا اظہار کرتے ہوئے کہا کہ وزرا اپنی کارکردگی اور وزارتوں پر گرفت بہتر بنائیں۔ وزیراعظم عمران خان وزیر توانائی عمر ایوب کی کارکردگی سے بھی ناخوش نظرآئے ۔ عمران خان نے کہا کہ شہریوں کے مسائل سے جڑی وزارتوں کے پاس غلطی کی گنجائش نہیں ہونی چاہیے۔ کابینہ اجلاس میں سانحہ مچھ اور اسامہ ستی کیس پر بات چیت کی گئی۔ وزیراعظم نے ہدایت کی کہ اسامہ ستی کے والدین حکومتی کارروائی سے مطمئن نہیں تو ہائیکورٹ کے جج سے تحقیقات کروائیں، سانحہ مچھ کے ذمہ داروں کو کیفر کردار تک پہنچائیں گے۔ اجلاس

میں عمرکوٹ میں ہونے والے ضمنی انتخابات کے لیے رینجرز کی تعیناتی کی منظوری دے دی گئی۔ وفاقی کابینہ نے آڈیٹر جنرل آف پاکستان کے اختیارات سے متعلق بل اور ہائی اسپیڈ ڈیزل کو عام ٹینڈرنگ کے ذریعے ٹیکس اور ڈیوٹیز سے استثنیدینے جبکہ ایف آئی اے کمرشل بینکنگ سرکل لاہور کو پولیس اسٹیشن قرار دینے کی منظوری دے دی، اور نوشہرہ میں کثیرالمنزلہ عمارت کی تعمیر سے متعلق چار رکنی کمیٹی قائم کرنے کا فیصلہ کیا گیا۔ کابینہ نے لیگل اینڈ جسٹس ایڈ اتھارٹی کے ڈائریکٹر جنرل کی تعیناتی، نیشنل طب کونسل کے نئے ایڈمنسٹریٹر کی تعیناتی، پاکستان کونسل فار سائنس و ٹیکنالوجی کے بورڈ آف گورنرز کی تعیناتی کی منظوری دے دی جبکہ اجلاس میں قرضوں کے علاوہ بیرونی فنڈز سے متعلق بریفنگ موخر کردی گئی۔ اجلاس میں کابینہ کمیٹی برائے ادارہ جاتی اصلاحات کے گزشتہ اجلاسوں کے فیصلوں اور اقتصادی رابطہ کمیٹی و کابینہ کمیٹی برائے نجکاری کے اجلاسوں کے فیصلوں کی توثیق بھی کی گئی۔۔۔۔

تازہ ترین خبروں کے لیے پی این آئی کا فیس بک پیج فالو کریں