بلاول بھٹو کی کال پر جلسہ عام میں شرکت کیلئے کل دن 11 بجے کالا شاہ کاکو موٹر وے جمع ہوں، چوہدری لطیف اکبر کی پیپلزپارٹی آزاد کشمیر کی تمام تنظیموں کو ہدایت

اسلام آباد (پی این آئی) پاکستان پیپلز پارٹی آزادکشمیر کے صدر چوہدری لطیف اکبر نے پارٹی کی مرکزی، ڈویژنل، ضلعی، تحصیل اور سٹی تنظیموں سمیت لیڈیز ونگ، پیپلز یوتھ آرگنائزیشن، جموں و کشمیر پیپلز سٹوڈنٹس فیڈریشن اور دیگر ذیلی تنظیموں کو ہدایت کی ہے کہ پاکستان پیپلز پارٹی کے چیئرمین

بلاول بھٹو زرداری کی کال پر پی ڈی ایم کے لاہور جلسہ عام میں شرکت کیلئے کل مورخہ 13 دسمبر بروز اتوار دن 11 بجے کالا شاہ کاکو موٹر وے جمع ہوں پیپلز پارٹی آزادکشمیرکے صدر کی قیادت میں وہاں سے ایک بڑے جلوس کی شکل مینار پاکستان جلسہ گاہ پہنچیں گے۔ تمام تنظیمی عہدیداران کو ہدایت کی گئی ہے کہ وہ وقت کا خصوصی خیال رکھیں اور اپنے اپنے جلوس کے ہمراہ 11 بجے دن کالا شاہ کاکو موٹر وے پر جمع ہوں۔۔۔۔

مریم نواز اور بلاول بھٹو زرداری ،مولانا فضل الرحمان کے گھر پہنچ گئے ، ملاقات میں اہم ترین فیصلے متوقع

اسلام آباد(پی این آئی) مریم نواز اور بلاول بھٹو زرداری ،مولانا فضل الرحمان کے گھر پہنچ گئے ۔وفاقی دارالحکومت میں مولانا فضل الرحمان کی رہائش گاہ پر پی ڈی ایم کا اہم اجلاس جاری ہے۔ جس میں مریم نواز ، بلاول بھٹو، یوسف رضا گیلانی، شیری رحمان، شاہد خاقان سمیت مرکزی رہنما شریک ہیں۔بتایا گیا ہے کہ اجلاس میں 13 دسمبر کولاہور میں ہونے والے جلسے کے حوالے سے لائحہ عمل کے علاوہ پی ڈی ایم سربراہ مولانا فضل الرحمن کی جانب سے 31 دسمبر تکاپوزیشن جماعتوں کے استعفوں کے حوالے سے بھی معاملات پر تبادلہ خیال جاری ہے۔ حکومت کی جانب سے جلسے میں رکاوٹیں ڈالنے کے خلاف متبادل پلان

بھی زیرغور ہے۔قبل ازیں پیپلزپارٹی کے چیئرمین بلاول بھٹو کی سربراہی میں اہم مشاورتی اجلاس ہوا جس میں یوسف رضا گیلانی، شیری رحمان، قمر زمان کائرہ نے شرکت کی اور ملکی سیاسی صورت حال اور مستقبل کے لائحہ عمل پر تبادلہ خیال کیا گیا۔ اجلاس کے دوران اسمبلیوں سے استعفوں سے متعلق پارٹی حکمت عملی پر بھی بات چیت کی گئی۔