پشاور(پی این آئی)میڈیکل کی 4 طالبات میں کورونا کی تصدیق کے بعد میڈیکل کالج کا ہاسٹل بند کر دیا گیا۔خیبر میڈیکل کالج پشاور کے گرلز ہاسٹل میں 4 طالبات میں کورونا وائرس کی تصدیق کے بعد ہاسٹل بند کردیا گیا۔ترجمان خیبر ٹیچنگ اسپتال (کے ٹی ایچ) کے مطابق کورونا وائرس سے متاثرہ طالبات کے رشتے داروں
کو اطلاع دے دی گئی ہے۔ترجمان کے مطابق میڈیکل کالج کی طالبات کو کے ٹی ایچ کے پرائیویٹ رومز میں قرنطینہ کردیا گیا ہے جبکہ گرلز ہاسٹل کو 2 ہفتوں کے لیے بند کردیا گیا۔کے ٹی ایچ ترجمان نے مزید کہا کہ ہاسٹل میں رہائش پذیر تمام طالب علموں کا اسکریننگ ٹیسٹ کرانے کا فیصلہ کیا گیا ہے۔ترجمان کے مطابق 198 طالبات اور اسٹاف کے ٹیسٹ کے نمونے حاصل کرلیے ہیں جبکہ ہاسٹل میں کورونا سے بچاؤ کے لیے اسپرے بھی کیا گیا ہے۔ترجمان کے مطابق 4 اگست کو لڑکوں کے 3 ہاسٹل میں ٹیم بھیجی جائے گی جہاں 400 سے 500 تک طلبا اور اسٹاف کے کورونا ٹیسٹ کیے جائیں گے۔کے ٹی ایچ ترجمان کے مطابق 17 اگست کو ہاسٹل کھولنے پر تمام طلباء کے پروٹوکول کے مطابق ٹیسٹ کیے گئے تھے، جن میں سے صرف طالب علموں کے ٹیسٹ مثبت آئے تھے جنہیں گھروں پر قرنطینہ کردیا گیا تھا۔۔۔۔۔۔۔۔۔۔۔۔۔۔۔
تازہ ترین خبروں کے لیے پی این آئی کا فیس بک پیج فالو کریں
