چین بھی کھل کر میدان میں آگیا، مقبوضہ کشمیر کی خصوصی حیثیت کے حوالے سے بڑا اعلان کر دیا

بیجنگ (پی این آئی) چینی ترجمان دفتر خارجہ وینگ وین بن نے بھارت کے 5اگست کے غیر قانونی یک طرفہ اقدامات پر ردعمل کا اظہار کرتے ہوئے کہا ہے کہ چین کشمیر ریجن میں صورتحال کا بغور جائزہ لے رہا ہے،مسئلہ کشمیر پر ہمارا موقف واضح اور مستقل ہے۔ انہوںنے کہاکہ مسئلہ کشمیر پاکستان اور بھارت کے

درمیان تاریخ سے رہ جانے والا ایک تنازع ہے، وینگ وین بن نے کہاکہ یہ حقیقت اقوام متحدہ کے چارٹر،متعلقہ سلامتی کونسل. کی قراردادوں اور پاک بھارت باہمی معاہدوں سے ثابت شدہ ہے۔ترجمان چینی دفتر خارجہ نے کہاکہ کشمیر کے اسٹیٹس کو میں کسی قسم کی تبدیلی کی کوئی حیثیت نہیں اور وہ غیر قانونی ہے۔ انہوںنے کہاکہ مسئلہ کشمیر کو فریقین پرامن طریقہ سے باقاعدہ طور پر مشاورت اور مزاکرات سے حل کریں،پاکستان اور بھارت ہمسایہ ممالک ہیں جن کو ایک دوسرے سے دور نہیں کیا جا سکتا، دونوں ممالک کے مابین ہم آہنگی دونوں ممالک کے مفاد اور عالمی برادری کی خواہشات میں سے ہے۔ ترجمان نے کہاکہ چین سنجیدگی سے امید کرتا ہے کہ فریقین اپنے اختلافات کو بات چیت سے حل کر سکتے ہیں۔