عید کی خوشیاں ختم ہوتے ہی مسافروں کو بڑا جھٹکا لگ گیا، پی آئی اے سمیت نجی ائیرلائنز نے کرایوں میں اضافہ کر دیا

اسلام آباد (پی این آئی) عید کے بعد پی آئی اے سمیت نجی ایئر لائنز کے کرایوں میں بے پناہ اضافہ کردیا گیا، تفصیلات کے مطابق عید کے بعد پی آئی اے سمیت نجی پروازوں کے کرایہ میں بے پناہ اضافہ کردیا گیا، کراچی سے لاہور اور پشاور فضائی ٹکٹ کی رقم 15 ہزار روپے سے بھی تجاوز کرگئی۔ عید کے بعد پی آئی

اے سمیت نجی پروازوں کے کرایہ میں بے پناہ اضافہ ہوگیا، ذرائع کے مطابق کراچی سے لاہور اور پشاور فضائی ٹکٹ کی رقم 15 ہزار سے تجاوز کرگئی۔ائیر بلیو کا عید سے قبل کراچی سے لاہور کا کرایہ 7 ہزار تھا جبکہ اب 18 ہزار اے زائد ہے۔ ائیربلیو کا لاہور سے کراچی یک طرفہ کرایہ 23ہزار روپے ہو گیا۔ عید سے قبل مسافروں کو اسلام آباد سے کراچی کا ٹکٹ 9ہزار 311 روپے میسر تھا۔زرائع کے مطابق ائیر بلیو کا کا اسلام سے کراچی کا ٹکٹ 7888 کا ملتا تھا۔ عید کے بعد کراچی سے اسلام آباد کا سیرین ائیر کا ٹکٹ 30 ہزار 531 ،ائیر بلیو 21279 روپے جبکہ پی آئی اے کا کراچی سے اسلام آباد کا ٹکٹ 25 ہزاد میں مل رہا ہے۔بتایا گیا ہے کہ سیرین ائیر کا عید سے قبل پشاور سے کراچی کا ٹکٹ 9 ہزار میں میسر تھا۔ جسکی قیمتوں میں اضافہ کر دیا گیا۔ ائیرلائینز انتظامیہ کے مطابق سی اے اے کی جانب سے ڈومیسٹک ائیروناٹیکل چارجز میں اضافے کے باعث کرایہ ناموں میں اضافہ کیا گیا۔یاد رہے کہ عید سے قبل پی آئی نے اندرونِ ملک پروازوں کے کرائے کافی کم کردیے تھے لیکن اب لاک ڈاؤن تقریباََ ختم ہوگیا ہے تو مسافروں کی آمدورفت میں اضافے کی وجہ سے کرایہ بڑھا دیا گیا ہے۔ پاکستان انٹرنیشل ائیرلائن کے علاوہ دوسری ائیرلائن نے بھی کرایوں میں اضافہ کردیا ہے لیکن اپنے شہروں اور کام پر واپس جانے والے لوگوں کو مجبوراََ مہنگے ٹکٹ خریدنے پڑ رہے ہیں۔