کورونا متاثرہ مریضوں کی تعداد میں مسلسل اضافہ، آئی سی یو پر دباؤ بڑھنے لگا ہے، مرتضیٰ وہاب نے خطرے کی نشاندہی کر دی

کراچی(پی این آئی)کورونا متاثرہ مریضوں کی تعداد میں مسلسل اضافہ، آئی سی یو پر دباؤ بڑھنے لگا ہے، مرتضیٰ وہاب نے خطرے کی نشاندہی کر دی، ترجمان سندھ حکومت بیرسٹر مرتضیٰ وہاب کا کہنا ہے کہ انتہائی نگہداشت کے یونٹس میں کورونا وائرس کے مریضوں کی تعداد میں اضافہ ہوا ہے۔بیرسٹر مرتضیٰ وہاب

نے مائیکروبلاگنگ ویب سائٹ ٹوئٹر پر اپنے ایک بیان میں کورونا وائرس کی صورتحال سے متعلق کہا ہے کہ کورونا وائرس سے متاثرہ مریضوں کی تعداد میں مسلسل اضافہ ہو رہا ہے جس کے سبب اسپتالوں، آئی سی یو، انتہائی نگہداشت کے یونٹس میں مریضوں کا دباؤ بڑھنے لگا ہے ۔بیرسٹر مرتضیٰ وہاب نے کہا ہے کہ سندھ بھر میں کورونا وائرس کے شکار 198مریض آئی سی یو میں داخل ہیں جبکہ 55 مریض وینٹی لیٹرز پر ہیں۔انہوں نے صوبہ سندھ میں کورونا وائرس کی صورتحال پر مزید کہا ہے کہ کورونا وائرس کے شکار مریض طبیعت خراب ہونے پر ایچ ڈی یو میں زیر علاج ہیں، 149 مریضوں کو ایچ ڈی یوز میں سانس لینے میں دشواری کے باعث منتقل کیا گیا ہے۔بیرسٹر مرتضی وہاب کا کہنا تھا کہ اسپتالوں، وینٹی لیٹرز، آئی سی یو میں آنے والے مریضوں کی تعداد تیزی سےبڑھ رہی ہے۔بیرسٹر مرتضی وہاب نے کہا ہے کہ 2 ہفتے قبل تمام سرگرمیوں کو کھولنے سے مریضوں کی تعداد میں اضافہ ہو رہا ہے۔