کورونا وائرس کے باعث سردخانے بند کردیے گئے

کراچی (پی این آئی) شہر قائد میں دو بڑے فلاحی اداروں نے غسل، کفن اور سردخانے کی سہولت بند کردی ہے، ایدھی ویلفیئر اور چھیپا نے اعلان کیا کہ عوام میتوں کے غسل، کفن کیلئے دباؤ نہ ڈالیں، ہمیں کورونا وائرس کے باعث مجبوری میں سروس بند کرنا پڑ رہی ہے۔ میڈیا رپورٹس کے مطابق کراچی میں دو بڑے

فلاحی اداروں ایدھی ویلفیئر اور چھیپا نے غسل، کفن اور سردخانے کی سہولت بند کردی ہے۔فلاحی اداروں کے اعلامیے میں کہا گیا ہے کہ کورونا وائرس کے حالات کے پیش نظر اور حفاظتی اقدامات کو مدنظر رکھتے ہوئے چھیپا غسل اور کفن خانہ عارضی طور پر بند کر دیا گیا ہے۔ حالات بہتر ہونے کے ساتھ ہی دوبارہ فلاحی سرگرمیوں کا سلسلہ شروع کردیا جائے گا۔ دوسری جانب ملک بھر میں کورونا وائرس کے کیسز کی تعداد 1526 ہوگئی ،نیشنل کورونا کمانڈ اینڈ کنٹرول سینٹر نے نئے اعداد و شمار جاری کردئیے۔رپورٹ کے مطابق سندھ میں 481، پنجاب میں 558, بلوچستان میں 138 کورونا وائرس کے کیسزسامنے آئے ،گلگت بلتستان میں کورونا وائرس کے کیسز کی تعداد 116 ہے ،خیبرپختونخواہ میں 188 اور اسلام آباد میں 43 اور آزاد کمشیر میں دو کیسز ہو گئے، کورونا وائرس سے متاثرہ 28 مریض صحت یاب ہوگئے، کورونا وائرس سے اموات کی تعداد 13 ہوگئی۔ اسی طرح سندھ حکومت نے لاک ڈاؤن میں مزید سختیاں کردیں. سندھ سرکار نے صوبے کی تمام سبزی منڈیاں دو پھر 12 بجے سے رات 12 بجے تک بند کرنے کا فیصلہ کرلیا ہی. صوبائی وزیر زراعت محمد اسماعیل راہو نے مزید کہا ہے کہ صوبے کی تمام سبزی منڈیاں دو پہر 12 بجے سے رات 12 تک بند رہیں گیں اور رات 12 بجے سے دن 12 بجے تک کھلی رہیں گیں، اوقات کار کم ہونے سے پھل اور سبزی کی ترسیل پر کوئی فرق نہیں پڑیگا.ان کا مزید کہنا تھا کہ سبزی منڈیوں میں کاروبار صبح 12 بجے تک کھلا رہیگا، فیصلے کا مقصد سبزی منڈیوں سے کورونا وائرس پھیلنے سے خریداروں اور مزدوروں کو محفوظ رکھنا ہے، سبزی منڈیوں میں آکشن اور پھلوں اور سبزیوں کی خریداری بھی دن 12 بجے تک کی جا سکے گی.محمد اسماعیل راہو نے کہا کہ منڈیوں میں غیر ضروری رش اور ھجوم پر پہلے ہی پابندی ہے، لاک ڈاؤن کو نتیجہ خیز بنانے کیلیے سبزی منڈیاں 24 میں سے 12 گھنٹے کھلی رہیں گی۔

پاکستان نیوز انٹرنیشنل (پی این آئی) قابل اعتبار خبروں کا بین الاقوامی ادارہ ہے جو 23 مارچ 2018 کو قائم کیا گیا، تھوڑے عرصے میں پی این آئی نے دنیا بھر میں اردو پڑہنے، لکھنے اور بولنے والے قارئین میں اپنی جگہ بنا لی، پی این آئی کا انتظام اردو صحافت کے سینئر صحافیوں کے ہاتھ میں ہے، ان کے ساتھ ایک پروفیشنل اور محنتی ٹیم ہے جو 24 گھنٹے آپ کو باخبر رکھنے کے لیے متحرک رہتی ہے، پی این آئی کا موٹو درست، بروقت اور جامع خبر ہے، پی این آئی کے قارئین کے لیے خبریں، تصاویر اور ویڈیوز انتہائی احتیاط کے ساتھ منتخب کی جاتی ہیں، خبروں کے متن میں ایسے الفاظ کے استعمال سے اجتناب برتا جاتا ہے جو نا مناسب ہوں اور جو آپ کی طبیعت پر گراں گذریں، پی این آئی کا مقصد آپ تک ہر واقعہ کی خبر پہنچانا، اس کے پیش منظر اور پس منظر سے بر وقت آگاہ کرنا اور پھر اس کے فالو اپ پر نظر رکھنا ہے تا کہ آپ کو حالات حاضرہ سے صرف آگاہی نہیں بلکہ مکمل آگاہی حاصل ہو، آپ بھی پی این آئی کا دست و بازو بنیں، اس کا پیج لائیک کریں، اس کی خبریں، تصویریں اپنے دوستوں اور رشتہ داروں میں شیئر کریں، اللہ آپ کا حامی و ناصر ہو، ایڈیٹر