ایپل نے اپنی سالانہ بڑی تقریب میں آئی فون 18 سیریز متعارف کرا دی ہے، جس میں پہلی بار فولڈ ایبل آئی فون بھی پیش کیا گیا ہے۔ کمپنی کے مطابق نئی پرو سیریز میں کیمرہ، کارکردگی، بیٹری اور مصنوعی ذہانت کے شعبوں میں نمایاں بہتری کی گئی ہے۔
نئی سیریز میں سب سے زیادہ توجہ ایپل کے پہلے فولڈنگ فون ’آئی فون ڈیو‘ نے حاصل کی، جس کی ابتدائی قیمت 1999 ڈالر رکھی گئی ہے۔ پاسپورٹ سائز ڈیزائن کے حامل اس فون کی اسکرین بند ہونے پر 5.4 انچ جبکہ کھلنے پر 7.6 انچ ہوجاتی ہے۔ فون میں نینو ٹیکسچر فنش بھی دیا گیا ہے، جس کا مقصد اسکرین پر روشنی کے عکس اور چمک کو کم کرنا ہے۔
آئی فون 18 پرو اور پرو میکس میں 48 میگا پکسل فیوژن مین کیمرہ دیا گیا ہے، جس میں پہلی بار ویری ایبل اپرچر شامل کیا گیا ہے۔ کمپنی کے مطابق یہ نظام روشنی کے حالات کے مطابق کیمرے کی کارکردگی بہتر بنانے میں مدد دے گا، جس سے خاص طور پر کم روشنی میں تصاویر کے معیار میں بہتری آئے گی۔ پرو صارفین کے لیے نئے کیمرا کنٹرولز اور ریفرنس امیج جیسے فیچرز بھی متعارف کرائے گئے ہیں۔
کارکردگی کے لیے آئی فون 18 پرو ماڈلز میں نئی اے 20 پرو چپ شامل کی گئی ہے، جس کے بارے میں ایپل کا کہنا ہے کہ یہ گرافکس اور مصنوعی ذہانت سے متعلق کاموں میں گزشتہ نسل کے مقابلے میں زیادہ تیز ہے۔ فون کو زیادہ درجہ حرارت سے محفوظ رکھنے کے لیے نیا ویپر چیمبر کولنگ سسٹم بھی شامل کیا گیا ہے۔
نئے ماڈلز میں ڈائینامک آئی لینڈ کو مزید کارآمد بنایا گیا ہے، جبکہ آئی فون 18 پرو میکس میں طویل بیٹری لائف فراہم کرنے کا دعویٰ کیا گیا ہے۔ نئی سیریز میں آئی او ایس 27 کے ذریعے مصنوعی ذہانت پر مبنی مزید سہولیات بھی شامل کی گئی ہیں، جن کے ذریعے صارف کے پیغامات، ای میلز اور تصاویر کے سیاق و سباق کو سمجھ کر بہتر جوابات فراہم کیے جاسکیں گے۔
آئی فون 18 پرو اور پرو میکس مختلف اسٹوریج آپشنز اور نئے رنگوں میں دستیاب ہوں گے۔ آئی فون 18 پرو کی ابتدائی قیمت 1199 ڈالر جبکہ آئی فون 18 پرو میکس کی ابتدائی قیمت 1299 ڈالر مقرر کی گئی ہے۔
