انگلینڈ کے عظیم فٹبالر اور سابق قومی ٹیم کے کپتان کیون کیگن 75 برس کی عمر میں کینسر کے باعث انتقال کر گئے۔ ان کے اہل خانہ اور سابق کلبوں نے ان کے انتقال کی تصدیق کی ہے۔
کیون کیگن، جنہیں مداح محبت سے “کنگ کیو” (King Kev) کہتے تھے، اپنی شاندار قائدانہ صلاحیت، برق رفتار کھیل اور غیر معمولی گول اسکورنگ کی بدولت فٹبال کی تاریخ کے عظیم ترین کھلاڑیوں میں شمار کیے جاتے ہیں۔
انہوں نے اپنے کیریئر میں انگلینڈ کے علاوہ کئی یورپی کلبوں کی نمائندگی کی اور متعدد اہم اعزازات جیتے۔ ان کی نمایاں انفرادی کامیابی 1978 اور 1979 میں مسلسل دو مرتبہ بیلن ڈی اور (Ballon d’Or) جیتنا تھی، جو یورپ کے بہترین فٹبالر کو دیا جاتا ہے۔
بطور کھلاڑی کامیاب کیریئر کے بعد انہوں نے کوچنگ کے شعبے میں بھی نمایاں خدمات انجام دیں اور انگلینڈ کی قومی ٹیم سمیت مختلف کلبوں کی کوچنگ کی ذمہ داریاں نبھائیں۔
کیون کیگن کے انتقال کی خبر کے بعد فٹبال دنیا میں سوگ کی لہر دوڑ گئی، جبکہ سابق کھلاڑیوں، کلبوں اور مداحوں نے انہیں خراجِ عقیدت پیش کرتے ہوئے ان کی خدمات کو زبردست الفاظ میں سراہا۔
تازہ ترین خبروں کے لیے پی این آئی کا فیس بک پیج فالو کریں
