راولپنڈی: عمران خان کی بہن علیمہ خان نے اڈیالہ جیل کے باہر میڈیا سے گفتگو کرتے ہوئے کہا کہ ان کی سلمان اکرم راجہ سے کوئی تلخ کلامی نہیں ہوئی، وہ ہمارے وکیل اور فیملی کی طرح ہیں۔
انہوں نے کہا کہ عمران خان کی سپریم کورٹ سے ضمانت ہوئی، مگر سمجھ نہیں آئی کہ میرے بچوں کو کیوں گرفتار کیا گیا، وہ خوفزدہ ہیں اور بچوں سے ڈر گئے ہیں۔ علیمہ خان نے مزید کہا کہ شاہ ریز خان بزنس کرتا ہے اور پاکستان کی نمائندگی کر چکا ہے، جبکہ شیر شاہ کو بھی اگلے دن گرفتار کیا گیا۔ ’’ہمیں ان گرفتاریوں سے کوئی فرق نہیں پڑتا، میں نے کہا ہے مجھے بھی گرفتار کرلیں‘‘۔
اس موقع پر عمران خان کی بہن عظمیٰ خان نے کہا کہ ضمنی انتخابات کے معاملے پر پارٹی خود فیصلہ کرے گی۔ ان کے مطابق بانی تحریک انصاف عمران خان نے واضح طور پر کہا تھا کہ ضمنی الیکشن نہیں لڑنا کیونکہ اس سے پارٹی کو نقصان ہوگا اور نااہلیوں کو جواز ملے گا۔ عظمیٰ خان نے بتایا کہ عمران خان کا پیغام یہ تھا کہ پارٹی کو انتخابات کے بجائے تحریک پر توجہ مرکوز رکھنی چاہیے۔
تازہ ترین خبروں کے لیے پی این آئی کا فیس بک پیج فالو کریں
