پشاور: خیبر پختونخوا سے منتخب ہونے والے پانچ آزاد سینیٹرز نے پاکستان تحریک انصاف (پی ٹی آئی) میں باضابطہ شمولیت اختیار کر لی ہے۔
مرزا محمد آفریدی، اعظم سواتی، فیصل جاوید، نورالحق قادری اور روبینہ ناز نے اپنی پارٹی وابستگی کا ڈیکلریشن پی ٹی آئی چیئرمین بیرسٹر گوہر علی کے حوالے کر دیا ہے، جو جلد یہ ڈیکلریشن الیکشن کمیشن میں جمع کروائیں گے۔واضح رہے کہ حالیہ سینیٹ انتخابات میں خیبر پختونخوا سے حکومت اور اپوزیشن اتحاد نے تمام نشستوں پر کامیابی حاصل کی تھی۔ حکومت کو 6 جبکہ اپوزیشن کو 5 نشستیں ملی تھیں۔
7 جنرل نشستوں میں سے 4 پر پی ٹی آئی اور 3 پر اپوزیشن کے امیدوار کامیاب ہوئے تھے۔ خواتین کی دو نشستوں میں سے ایک پر پی ٹی آئی اور دوسری پر پیپلز پارٹی کامیاب ہوئی تھی، جبکہ ٹیکنوکریٹس کی دو نشستوں میں سے ایک تحریک انصاف اور دوسری جمعیت علمائے اسلام کے حصے میں آئی تھی۔
تازہ ترین خبروں کے لیے پی این آئی کا فیس بک پیج فالو کریں
