لاہور(پی این آئی) قومی کرکٹ ٹیم کے وائٹ بال کپتان محمد رضوان نے کہا ہےکہ فخر زمان کھیل پر اثر انداز ہونے والے کھلاڑی ہیں، لیکن فیصلے ہمارے ہاتھ میں نہیں ہوتے، فخر اکیلا ہی میچ کو لے کر چلتا ہےاور وہ رخ موڑ دیتا ہے۔
آسٹریلیا روانگی سے قبل میڈیا سے گفتگو کرتے ہوئے محمد رضوان نے کہا کہ عاقب جاوید کے فیصلے ٹیم کےلیے سود مند ثابت ہوئے، یہ بات پہلے بھی کہہ جارہی تھی، اسپین پچز بناکر ہوم سیریز میں کامیابی حاصل کرسکتے ہیں۔انہوں نے کہا کہ آسٹریلیا کی پچز عاقب جاوید کے ہاتھ میں نہیں ہیں، وہاں کی کنڈیشن مختلف ہیں اور ٹف بھی ہیں، ہم نے پوری محنت کی ہے، امید ہے اچھے نتائج آئیں گے۔ان کا کہنا تھا کہ کوچ جو بھی آئے فیصلہ بورڈ اور مینجمنٹ کو کرنا ہے، اگر اُن کی رائے مانگی گئی تو وہ ضرور دیں گے، میرے کپتان بنتے ہی ایک دم تبدیلی نہیں آئے گی۔محمد رضوان نے یہ بھی کہا کہ چیزیں پہلے بھی درست ہورہی تھیں، ایسا نہیں ہوگا کہ وہ سب کچھ فوری تبدیل کردیں۔
تازہ ترین خبروں کے لیے پی این آئی کا فیس بک پیج فالو کریں
