لاہور(پی این آئی)پنجاب میں یکم نومبر سے روٹی کی قیمت 14 سے 16 روپے ہونے کا امکان ہے،فوڈ پرائس کنٹرول اتھارٹی نے اس حوالے سے سفارشات وزیر اعلی پنجاب کو بھجوا دیں۔
ذرائع کے مطابق ضلعی انتظامیہ نے100گرام کی روٹی کا ریٹ 14 روپے مقرر کر رکھا ہے، جبکہ تندور مالکان سادہ روٹی 15 روپے میں فروخت کر رہے ہیں۔اگر یہ قیمتیں یکم نومبر سے نافذ ہو جاتی ہیں تو عوام کے لیے یہ بڑا بوجھ ثابت ہو سکتا ہے، خاص طور پر ان لوگوں کے لیے جو محدود بجٹ میں زندگی بسر کر رہے ہیں۔یہ صورت حال عوام کے لیے تشویش کا باعث ہے اور ضرورت اس بات کی ہے کہ حکومت اس معاملے کو فوری طور پر حل کرے تاکہ عوام کو بنیادی ضرورت کی اشیا ءکی فراہمی میں مشکلات کا سامنا نہ کرنا پڑے۔
تازہ ترین خبروں کے لیے پی این آئی کا فیس بک پیج فالو کریں
