گلگت اور سکردو میں میڈیکل کالج قائم کرنے کا منصوبہ، وزیر اعلیٰ گلگت بلتستان کامیڈیکل سنٹر گلگت کے توسیع منصوبے کی تقریب سے خطاب

گلگت (آئی این پی)وزیر اعلیٰ گلگت بلتستان خالد خورشید نے آغا خان میڈیکل سنٹر گلگت کے توسیع منصوبے کا سنگ بنیاد رکھنے کے حوالے سے منعقدہ تقریب سے خطاب کرتے ہوئے کہا ہے کہ حکومت گلگت بلتستان ہیلتھ اور میڈیکل سائنس سٹڈی کے شعبے میں اقدامات کررہی ہے۔ گلگت اور سکردو میں میڈیکل کالجوں کا قیام عمل میں لایا جارہا ہے۔

پرائیویٹ سیکٹر کے تعاون سے مزید میڈیکل کالجوں کی تعمیر کے حوالے سے بھی پیش رفت ہورہی ہے۔ امید ہے مستقبل قریب میں آغا خان ہیلتھ سروسز بھی گلگت بلتستان میں میڈیکل کالج تعمیر کرے گا۔ ہماری توجہ اس بات پر مرکوز ہے کہ صوبے میں تعمیر ہونے والے میڈیکل کالجز کا معیار بہتر ہو۔ وزیر اعلیٰ گلگت بلتستان خالد خورشید نے کہا کہ ہز ہائنس پرنس کریم آغا خان کے اداروں نے گلگت بلتستان میں صحت سمیت مختلف شعبوں میں قابل قدر کام کیا ہے۔

آغا خان میڈیکل سنٹر کے توسیع کا منصوبہ قابل تعریف ہے اس منصوبے سے آغا خان میڈیکل سنٹر گلگت میں 112بیڈ کی گنجائش ہوگی۔ آغا خان میڈیکل سنٹر گلگت نے معیاری صحت کے سہولیات فراہم کرنے میں نمایاں کردار ادا کیا ہے۔۔۔۔۔