کراچی(این این آئی)پولیس نے بغیر اجازت تیسری شادی کی شکایت پر دلہے کو حوالات کی سیرکرا دی۔ذرائع کے مطابق کراچی کے اتحاد ٹائون پولیس اسٹیشن میں مصباح نامی خاتون نے بغیر اجازت تیسری شادی رچانے پراپنے شوہر فقیرعباس کے خلاف قانونی کارروائی کرنے کی درخواست دی تھی، خاتون کی درخواست
پر پولیس نے کاروائی کرتے ہوئے دلہا فقیر عباس کو حراست میں لے کر پوچھ گچھ کے لیے تھانے منتقل کردیا۔پولیس کے مطابق مصباح نامی خاتون نے الزام عائد کیاکہ فقیرعباس اسے تشدد کا نشانہ بناتا ہے، فقیر عباس نے مصباح سے شادی سے بھی قبل ایک اور شادی کر رکھی تھی، مصباح فقیر کی دوسری بیوی تھی، دوران تفتیش فقیر عباس نے واضح کیا کہ وہ کچھ عرصہ قبل مصباح کو طلاق دے چکا ہے،:فقیر عباس نے طلاق کے کاغذات پولیس کے سامنے پیش کر دیئے، پولیس نے تحقیقات کے بعد دلہے فقیر عباس کو رہا کردیا۔۔۔۔۔
تازہ ترین خبروں کے لیے پی این آئی کا فیس بک پیج فالو کریں
