“خواجہ آصف کے ملازم کے اکاؤنٹ سے 40 کروڑ نکل آئے،ملازم سے پوچھا گیا کہ پیسے کہاں سے آئے تو ملازم نے کہا کہ میرے نہیں صاحب کے ہیں، جس کمپنی سے متعلق خواجہ آصف دعویٰ کرتے رہے کہ اس نے تنخواہ دی ہے، اس کمپنی نے۔۔” اینکر عمران خان‎کا تہلکہ خیز انکشاف

اسلام آباد (پی این آئی)نجی ٹی وی پروگرام میں سینئر اینکر پرسن عمران خان ریاض نے کہا ہے کہ نہ تو اپوزیشن کو حکومت سے خطرہ ہے اور نہ ہی حکومت کو اپوزیشن سے خطرہ ہے ، ان دونوں کو اپنے آپ سے خطرہ لاحق ہے ، اپوزیشن جماعتوں کو اس چیز کا خطرہ ہے کہ جو چیزیں انہوں نے ماضی میں کی ہیں یعنی کیسز ہیں اور ان پر اس وقت دبائو ہے کہ وہ اپنے آپ کو احتساب کے عمل سے گزاریں اور خود کو بے گنا ہ ثابت کریں ۔ عمران ریاض کا کہنا تھاکہ2 سوال ہیں خواجہ آصف سے ،ایک ان ایک ملازم پکڑا گیا ہے اور ا س کے اکائونٹ سے 40کروڑ روپے برآمد ہوئے ہیں ، جب ملازم سے پوچھا گیا کہ یہ پیسے کدھر سے آئے تو اس نے فوراً جواب دیا یہ میرے نہیں ہیں بلکہ صاحب کے پیسے ہیں اور اب صاحب کے پاس جواب ہی کوئی نہیں ہے۔دوسرا سوا ل یہ ہے کہ جب وہ پاکستان میں وفاقی وزیر تھے ، خواجہ آصف جیسا اہم ترین آدمی جو اہم ترین وزارت پر موجود تھے ، انہوں نے کہا ہے کہ تیرہ کروڑ روپے مجھے ایک کمپنی نے تنخواہ دی ہے ، جب کمپنی سے رابطہ کیا تو اس کا کہنا تھا کہ ہم نے تو سیٹل منٹ کے تحت انہیں ایک اقامہ دیا تھا ، اس کیلئے بھی کسی جگہ سے کوئی سفارش آئی تھی ، ہم سے ان سے کوئی کام لیا اور نہ ہی کوئی تنخواہ دی ہے ۔ سینئر اینکر پرسن عمران ریاض کا کہنا تھا کہ اب وہ تیرہ کروڑ روپے کس کھاتے میں جائے گا اس کا جواب بھی نہیں ہے ۔