اسلام آباد (پی این آئی) محکمہ موسمیات کا کہنا ہے کہ آئندہ 24 گھنٹوں کے دوران ملک کے بیشتر میدانی علاقوں میں موسم گرم اورخشک جبکہ گلگت بلتستان، کشمیر اور اس سے ملحقہ پہاڑی علاقوں میں تیز ہواؤں اور گرج چمک کے ساتھ ہلکی بارش کا امکان ہے۔ آج ملک کا سب سے گرم علاقہ مٹھی رہا
جہاں درجہ حرارت 44 ڈگری سینٹی گریڈ ریکارڈ کیا گیا۔محکمہ موسمیات کے مطابق آج رات اسلام آباد میں مطلع جزوی ابر آلود رہنے کے ساتھ تیز ہواؤں، آندھی اور گرج چمک کے ساتھ ہلکی بارش کا امکان ہے جبکہ کل اسلام آباد میں موسم خشک اور جزوی ابر آلود رہنے کی توقع ہے۔آج رات پنجاب کے بیشتراضلاع میں موسم خشک رہے گا جبکہ خطۂ پوٹھوہا ر میں چند مقامات پر تیز ہواؤں، آندھی اور گرج چمک کے ساتھ بارش کا امکان ہے۔ پیر کے روز پنجاب اور سندھ میں موسم خشک اور گرم رہے گا۔ کل بلوچستان کے کے بیشترعلاقوں میں موسم گرم اور خشک جبکہ سبی، کوہلو، لسبیلہ اور تربت میں شدید گرم رہنے کا امکان ہے۔دوسری جانب خیبر پختونخوا کے بالائی اضلاع میں آج رات کو مطلع جزوی ابر آلود رہے گا تاہم دیر، چترال، سوات، مالاکنڈ، بونیر، شانگلہ، ایبٹ آباد، ہری پور، مانسہرہ، پشاور، بنوں، کوہاٹ، مردان، صوابی اورکرم میں تیز ہواؤں، آندھی اور گرج چمک کے ساتھ بارش کا امکان ہے۔ پیر کے روزخیبر پختونخوا کے بیشتر اضلاع میں موسم خشک رہے گا تاہم مانسہرہ اور کرم میں چند مقامات پرتیز ہواؤں اور گرج چمک کے ساتھ بارش کا امکان ہے۔محکمہ موسمیات کے مطابق آج سب سے گرم ترین علاقے چھور اور مٹھی رہے جہاں درجہ حرارت 44 ڈگری سینٹی گریڈ ریکارڈ کیا گیا۔ اس کے علاوہ موہنجوداڑو اورلاڑکانہ میں 43، کراچی ، لسبیلہ، میرپور خاص، پڈعیدن ،روہڑی ، سکھراورسکرنڈ میں درجہ حرارت 42 ڈگری سینٹی گریڈریکارڈ کیا گیا۔محکمہ موسمیات کا کہنا ہے کہ آئندہ 24 گھنٹوں کے دوران ملک کے بیشتر میدانی علاقوں میں موسم گرم اورخشک جبکہ گلگت بلتستان، کشمیر اور اس سے ملحقہ پہاڑی علاقوں میں تیز ہواؤں اور گرج چمک کے ساتھ ہلکی بارش کا امکان ہے۔
