کراچی(آئی این پی) پولیس نے کارروائی کرتے ہوئے ڈکیتی کی وارداتوں میں ملوث ادھیڑ عمر چاچا ڈکیت کو گرفتار کرلیا،، گرفتار ملزم نے 4 ساتھیوں سمیت خیابان شمشیر درخشاں میں ڈکیتی کی تھی۔تفصیلات کے مطابق کراچی کے علاقے بوٹ بیسن میں پولیس نے خفیہ اطلاع پر کارروائی کی اور کارروائی کے دوران ڈکیتی کی وارداتوں میں ملوث ادھیڑعمر چاچا ڈکیت کو گرفتار کرلیا۔ایس ایس پی ساؤتھ اعجاز احمد نے بتایا کہ ملزم وزیراحمدعرف چاچا کو سی سی ٹی وی فوٹیج کی مددسیگرفتارکیا گیا، گرفتار ملزم نے 4 ساتھیوں سمیت خیابان شمشیر درخشاں میں ڈکیتی کی تھی۔
ایس ایس پی کا کہنا تھا کہ ڈکیتی کے دوران دکاندار سے 4لاکھ 10ہزارکیش،دیگرقیمتی اشیالوٹی گئی تھی، تاہم ملزم سے ایک پرس، کیش، چھینی ہوئی گھڑی اور اسلحہ برآمد کرلیا گیا ہے۔چاچا ڈکیت اوردیگرملزمان کی واردات کرتے سی سی ٹی وی فوٹیج سامنے آگئی ہے، ویڈیو میں ایک ملزم اسلحہ تھام کر کھڑا رہا اوردوسرا ملزم کاؤنٹرپرپہنچا جبکہ چاچاڈکیت نے کاؤنٹر پر رکھا ہینڈبیگ اٹھایا اور دکاندار کودھمکی دیکرباہرنکلافوٹیج میں دکان کے اندر اور باہر بزرگ ملزم کو واضح دیکھا جا سکتا ہے۔۔۔۔
