مردان (پی این آئی) مردان میں گھریلو ناچاقی پر سفاک شخص نے بیوی کو قتل کرکے گھر کے زیرِتعمیر باتھ روم میں دفن کردیا۔
آج نیوز کے مطابق پولیس نے بتایا کہ یہ واقعہ مردان کے تھانہ صدر کی حدود میں رونما ہوا, قاتل شوہر نے سُسرال فون کرکے بیوی کے گھر سے بھاگ جانے کا ڈراما رچایا۔سُسر کی رپورٹ پر پولیس نے پانچ دن بعد گھر کے زیرِتعمیر باتھ روم سے لاش برآمد کرلی۔ لاش کے برآمد کیے جانے سے پہلے شوہر موقع سے فرار ہوگیا۔ پولیس نے اس کے دو بھائیوں کو گرفتار کرلیا۔ ملزم کی گرفتاری کے لیے چھاپے مارے جارہے ہیں۔
