*پی ٹی آئی میں نئی صف بندی: سلمان اکرم راجا اور مشعال یوسف زئی کے اختلافات کھل کر سامنے آگئے*
تحریک انصاف کے مرکزی جنرل سیکرٹری سلمان اکرم راجا اور سینیٹر مشعال یوسف زئی کے درمیان تلخی کھل کر سامنے آ گئی ہے۔
رپورٹ کے مطابق معاملے کی شروعات مشعال یوسف زئی کے ٹکٹ بیچنے کے الزام سے ہوئی۔ اس پر سلمان اکرم راجا نے سخت ردعمل دیا اور کہا کہ جن کو مقدمہ لڑنے کے لیے چار آنے بھی نہیں دیے جاتے وہ اب گھٹیا الزامات لگا رہے ہیں۔ انہوں نے سوال اٹھایا کہ مشعال کو سینیٹر کس نے بنوایا، انہیں اس کا بھی علم نہیں۔
سلمان اکرم راجا نے مزید کہا کہ یہ ہدایات بانی پی ٹی آئی کی طرف سے آئی تھیں۔ ان کے مطابق وہ مشعال یوسف زئی کو سینیٹ سے فارغ کرنے کا اختیار نہیں رکھتے، لیکن پارٹی سے فارغ نہ کر کے انہوں نے درگزر سے کام لیا ہے۔
دوسری جانب مشعال یوسف زئی نے جوابی بیان میں دعویٰ کیا کہ سلمان اکرم راجا بانی پی ٹی آئی کے سامنے ایک بار معافی مانگ چکے ہیں اور اب دوبارہ بیان بازی کر رہے ہیں۔ انہوں نے چیلنج کیا کہ اگر سلمان اکرم انہیں پارٹی سے فارغ کر سکتے ہیں تو کر کے دکھائیں۔
اس تنازع پر پارٹی ورکر شاندانہ گلزار نے بھی موقف دیا۔ ان کا کہنا تھا کہ سلمان اکرم نے پیسوں کے حوالے سے غلط بات کی۔ انہوں نے سوال کیا کہ امریکا سے آنے والے کروڑوں روپے کون کھا گیا؟ اور کہا کہ اگر اس کا پتہ چل گیا تو کسی کا کچھ نہیں رہے گا۔
#PTI #سلمان_اکرم_راجا #مشعال_یوسف_زئی #شاندانہ_گلزار #تحریک_انصاف #پاکستان_سیاست #BreakingNews
