ملک میں سونے کی قیمت میں کمی کا سلسلہ برقرار ہے، مقامی صرافہ مارکیٹ میں آج فی تولہ سونا مزید 1800 روپے سستا ہوگیا۔
گزشتہ کاروباری روز بھی سونے کی قیمت میں نمایاں کمی ریکارڈ کی گئی تھی، جب فی تولہ سونا 15 ہزار 100 روپے سستا ہوا تھا۔ آج مزید کمی کے بعد فی تولہ سونے کی قیمت 4 لاکھ 66 ہزار 136 روپے ہوگئی۔
دوسری جانب 10 گرام سونے کی قیمت میں بھی 1543 روپے کی کمی ہوئی، جس کے بعد اس کی قیمت 3 لاکھ 99 ہزار 636 روپے ہوگئی۔
ماہرین کے مطابق عالمی مارکیٹ میں سونے کی قیمت، امریکی ڈالر کی قدر، شرح سود سے متعلق توقعات اور سرمایہ کاروں کے رجحانات مقامی صرافہ مارکیٹ پر براہِ راست اثر انداز ہوتے ہیں۔ عالمی سطح پر قیمتوں میں مزید کمی کی صورت میں پاکستان میں بھی سونا مزید سستا ہوسکتا ہے، تاہم معاشی یا سیاسی غیر یقینی صورتحال میں اضافے سے قیمتوں میں دوبارہ تیزی آنے کا امکان بھی موجود ہے۔
