محکمہ موسمیات نے پنجاب کے مختلف اضلاع میں بارشوں کی پیشگوئی کر دی ہے۔
محکمہ موسمیات کے مطابق آئندہ چند روز کے دوران پنجاب کے بیشتر علاقوں میں گرج چمک کے ساتھ بارش کا امکان ہے، جبکہ بعض مقامات پر موسلادھار بارش بھی ہو سکتی ہے۔ لاہور، راولپنڈی، گوجرانوالہ، فیصل آباد، سیالکوٹ، سرگودھا اور ملحقہ علاقوں میں وقفے وقفے سے بارش کی توقع ظاہر کی گئی ہے۔
محکمہ موسمیات نے شہریوں کو خراب موسم کے دوران غیر ضروری سفر سے گریز اور احتیاطی تدابیر اختیار کرنے کی ہدایت کی ہے۔ متعلقہ اداروں کو بھی ممکنہ صورتحال سے نمٹنے کے لیے الرٹ رہنے کی ہدایت جاری کی گئی ہے۔
