جنوب مغربی جرمنی میں ایک مسافر ٹرین حادثے کا شکار ہوگئی، جس کے نتیجے میں 3 افراد جان کی بازی ہار گئے جبکہ متعدد زخمی ہو گئے۔
جرمن میڈیا کے مطابق حادثہ فرانس کی سرحد کے قریب اتوار کے روز پیش آیا، جب ٹرین کی کم از کم دو بوگیاں پٹری سے اتر گئیں۔ حادثے کے وقت ٹرین میں تقریباً 100 مسافر سوار تھے۔ ٹرین آپریٹرز نے بتایا کہ حادثے سے قبل علاقے میں شدید طوفان کی اطلاعات موصول ہوئیں، جو ممکنہ طور پر حادثے کی وجہ بن سکتا ہے۔ پولیس کا کہنا ہے کہ ابتدائی تحقیقات سے معلوم ہوا ہے کہ بوگیوں کے پٹری سے اترنے کے باعث حادثہ پیش آیا۔
حادثہ مقامی وقت کے مطابق شام 6:10 بجے پیش آیا۔ تصاویر میں الٹی ہوئی بوگیاں، گرے ہوئے درخت اور ریسکیو ٹیموں کو زخمیوں کو نکالتے اور امداد فراہم کرتے ہوئے دیکھا جا سکتا ہے۔ فائر فائٹرز اور ایمبولینسز فوری طور پر جائے وقوعہ پر پہنچ گئیں۔ جرمن چانسلر نے حادثے پر گہرے دکھ کا اظہار کرتے ہوئے جاں بحق افراد کے لواحقین سے دلی ہمدردی کا اظہار کیا ہے۔
تازہ ترین خبروں کے لیے پی این آئی کا فیس بک پیج فالو کریں
