بلوچستان حکومت کی طرف سے آزاد کشمیر حکومت کو طیارے کا تحفہ، وزیراعظم آزاد کشمیر بلوچستان سے تحفہ لے کر اسلام آباد پہنچ گئے

مظفرآباد (پی این آئی) آزادکشمیرکے نو منتخب وزیراعظم سردار تنویر الیاس بلوچستان کا ایک روزہ دورہ مکمل کر کے واپس اسلام آباد پہنچ گئے۔ وزیراعلیٰ بلوچستان میر عبدالقدوس بزنجو نے خیر سگالی اور مہمان نوازی کی بلوچ روایات کا بھرپور مظاہرہ کرتے ہوئے بلوچستان کا دورہ کرنے پر آزادکشمیر کے وزیراعظم سردار تنویر الیاس کو بلوچستان حکومت کی طرف آزادکشمیر حکومت کو طیارے کا تحفہ دیکر کشمیری عوام کے دل جیت لیے۔

وزیر اعلیٰ بلوچستان میر عبدالقدوس بزنجو نے وزیراعظم آزادکشمیر سردار تنویر الیاس کو طیارے کی دستاویزات پیش کیں وزیر اعلیٰ بلوچستان نے میڈیکل کالج میں آزادکشمیر کے طلبہ کیلئے مختص نشستوں میں اضافہ اور مہاجرین جموں وکشمیر کی بلوچستان میں آبادی کاری کیلئے تعاون جاری رکھنے کی یقین دھانی کروا کربلوچستان اور کشمیریوں کے درمیان رشتوں کو مزید مستحکم کیا ہے وزیراعظم سردار تنویر الیاس نے آزادکشمیر حکومت کو طیارے کا تحفہ دینے مہاجرین کی آباد کاری اور طلبہ کی نشتوں میں اضافے پر وزیراعلیٰ بلوچستان اور بلوچستان کے عوام کا شکریہ ادا کیا۔۔۔۔