کراچی(آئی این پی)سندھ میں انتہائی اہم پوسٹوں پر تعینات 8 ڈی آئی جیز کا روٹیشن پالیسی کے تحت پنجاب، خیبر پختونخوا اور بلوچستان تبادلہ کردیا گیا ہے جب کہ مختلف صوبوں میں تعینات دیگر 8 ڈی آئی جیز کو سندھ بھیج دیا گیا۔وفاقی روٹیشن پالیسی کے تحت جن 8 ڈی ا?ئی جیز کا تبادلہ کیا گیا ان میں ڈی آئی جی ساؤتھ زون جاوید اکبر ریاض، ڈی آئی جی اسپیشل سکیورٹی ڈویڑن مقصود میمن اور ڈی آئی جی اسپیشل برانچ نعیم احمد شیخ شامل ہیں جن کا پنجاب تبادلہ کیا گیا ہے۔
اس کے علاوہ ڈی آئی جی ایسٹ ثاقب میمن، ڈی آئی جی سی آئی اے نعمان صدیقی، ڈی آئی جی یونس چانڈیو اور عبداللہ شیخ کی خدمات کے پی کے جب کہ ڈی آئی جی سی ٹی ڈی عمر شاہد کا بلوچستان تبادلہ کیا گیا ہے۔دوسری جانب جن 8 ڈی آئی جیز کو سندھ بھیجا گیا ان میں ڈاکٹر انعام، سہیل اختر، شہزاد اکبر، محمد کریم، زبیر دریشک، عبدالغفور، سید خرم علی اور زعیم اقبال شیخ شامل ہیں۔۔۔۔
تازہ ترین خبروں کے لیے پی این آئی کا فیس بک پیج فالو کریں
