بالائی علاقوں میں برف باری کا نیا سلسلہ شروع ، مختلف مقامات برف سے ڈھک جانے سے راستے ٹریفک کے لیے بند ہوگئے

اسلام آباد (این این آئی)بالائی علاقوں میں برف باری کا نیا سلسلہ شروع ہوگیا ، آزاد کشمیر کے مختلف مقامات برف سے ڈھک جانے سے راستے ٹریفک کے لیے بند ہوگئے۔گلگت بلتستان کے ضلع استور میں برف باری سے نظامِ زندگی متاثر ہوکر رہ گیا اور لوگ گھروں کے اندر محصور ہوگئے۔بالائی علاقوں میں 2 فٹ سے

زیادہ برف باری ہوچکی ہے۔سب سے کم درجہ حرارت گوپس میں منفی 12 ریکارڈ کیا گیا، استور میں منفی 09، کوئٹہ میں منفی 07 اور گلگت میں منفی 3 رہا۔اسی طرح پشاور میں ایک، اسلام آباد میں 6، کراچی میں 7 اور لاہور میں کم سے کم درجہ حرارت 10 ڈگری سینٹی گریڈ ریکارڈ کیا گیا۔۔۔۔۔

برف باری ، خون جما دینے والی سردی، خبردارعوام ان علاقوں کا سفررات کے وقت نہ کریں ،خصوصی ہدایات جاری

اسلام آباد (پی این آئی)برفباری نے علاقوں کو اپنی سفید چادر میں ڈھانپ لیا، سیاح رات کو سفر نہ کریں، دوران سفر مشکلات سے بچنے کیلئے گاڑی میں چین لازمی رکھیں۔گلیات ڈویلپمنٹ اتھارٹی نے خبردار کیا ہے کہ برف کے سبب سڑکوں پر پھسلن سے مقامی افراد اور سیاحوں کو آمدرفت میں مشکلات کا سامنا کرنا پڑ سکتا ہے۔برف باری سے سردی کی شدت میں اضافہ ہوا ہےجس سے بچنے کیلئے سیاح گرم کپڑے اپنے ساتھ رکھیں۔واضح رہے کہ گزشتہ روزخیبر پختونخواہ میں ایکسٹریم کولڈ موسمی ایمرجنسی نافذکر دی گئی ہے ۔ محکمہ ریلیف نے اعلامیہ جاری کیا ہے کہ صوبے میں انتہائی سرد موسم کی ایمرجنسی نافذکر دی گئی ہے

،بے گھر افراد کو شیلٹر اور کھانا فراہم کرنے کا بندوبست کر لیاگیا ہے ۔ جاری علامیے میں ڈپٹی کمشنرزبے گھر افراد کو شیلٹرز میں کھانا فراہمی کرنے کی ہدایات جاری کی گئی ہیں ۔ اعلامیے کے مطابق ناشتے کے لیے 100 روپے اور دوپہر اور شام کے کھانے کے لیے 2،2 سو روپے فی کس مختص کیے گئے ہیں۔دوسری جانب کراچی میں ٹھنڈی، تیز اور گرد آلود ہوائیں چل پڑیں۔ محکمہ موسمیات نے امکان ظاہر کیا ہے کہ آج کراچی میں ریکارڈ توڑ سردی پڑسکتی ہے تاہم موسم خشک رہے گا۔محکمہ موسمیات کے مطابق کراچی میں سردی کا 7سالہ ریکارڈ ٹوٹ سکتا ہے، سردی کی شدت 10 ڈگری سینٹی گریڈ سے کم رہ سکتی ہے۔شہریوں کا کہنا ہے کہ وہ پورے سال سردیوں کا انتظار کرتے ہیں کیونکہ اس موسم کا اپنا ہی ایک مزہ ہے۔