محکمہ موسمیات نے بدھ کے دن شدید بارشوں کی پیشنگوئی کر دی

اسلام آباد(پی این آئی)محکمہ موسمیات کے مطابق بدھ کے روز خیبر پختونخوا ، بالائی /وسطی پنجاب ، خطہ پوٹھو ہار، اسلام آباد ، کشمیر، گلگت بلتستان کے اضلاع میں تیز ہواوں اور گرج چمک کے ساتھ بارش اور اس دوران چند مقا مات پر موسلادھار بارش کا امکان ہے۔ جبکہ ملک کے دیگر علاقوں میں موسم گرم اور مرطوب

رہنے کا امکان ہے۔گذشتہ 24 گھنٹے کا موسم ملک کے بیشتر علاقوں میں موسم گرم اور مرطوب رہا۔ تاہم بالائی پنجاب ، کشمیر ،سندھ اوربالائی خیبر پختونخوا میں بارش ہوئی۔سب سے زیادہ بارش : پنجاب :جہلم 48، اسلام آباد (سیدپور 45، ایئر پورٹ 32، گولڑہ 30، بوکڑہ 25 ، زیرو پوائنٹ 15)، منگلا 43، راولپنڈی (شمس آباد 40، چکلالہ 13)، گوجرانوالہ ، مری 28، منڈی بہاؤالدین 26، گجرات 23 ، سیالکوٹ (سٹی16، ایئر پورٹ09)، کشمیر: مظفرآباد (ایئر پورٹ 33)، کوٹلی 16، گڑھی دوپٹہ 10، سندھ: چھور38، بدین21،مٹھی 06،چھاچرو 03، اسلام کوٹ، ڈپلو 02 ،خیبر پختونخوا: دیر (لوئر31)، کاکول25 ، بالاکوٹ 09، پٹن 03، سیدو شریف اورتخت بائی میں02 ملی میٹر بارش ریکارڈ کی گئی ۔آج ریکارڈ کیےگئےزیادہ سے زیادہ درجہ حرارت: سبی 45 ، نوکنڈی اور دالبندین میں 44 ڈگری سینٹی گریڈ ریکارڈ کیا گیا۔