واشنگٹن(پی این آئی ) امریکی ریاست الباما میں ہونے والی ویک اینڈ ڈانس پارٹی میں جھگڑے کے دوران فائرنگ سے 3 افراد ہلاک اور 15 زخمی ہوگئے۔
امریکی میڈیا کے مطابق ریاست الباما میں ہونے والی پارٹی میں ایک شخص نے معمولی سی تلخ کلامی پر جھگڑا شروع کردیا اور پارٹی کے شرکاء پر اندھا دھند فائرنگ کردی۔فائرنگ میں 15 سے زائد افراد زخمی ہوگئے جنھیں قریبی ہسپتال منتقل کیا گیا جہاں 3 افراد کے ہلاک ہونے کی تصدیق کردی گئی جبکہ 6 کی حالت نازک ہونے کے سبب ہلاکتوں میں اضافے کا خدشہ ہے۔فائرنگ کرنے والا شخص جائے وقوعہ سے فرار ہوگیا جس کی تلاش میں چھاپہ مار کارروائی کی جا رہی ہے۔ تاحال ملزم کی شناخت نہیں ہوسکی اور نہ ہی کوئی گرفتاری عمل میں لائی گئی۔
