اوکاڑہ (پی این آئی) اوکاڑہ میں گھر والوں سے پیسے بٹورنے کے لیے اغواء کا ڈرامہ کرنے والے یونیورسٹی کے طالب علم کو گرفتار کر لیا گیا۔
روزنامہ جنگ کے مطابق ڈی پی او اوکاڑہ طارق عزیز کا کہنا ہے کہ طالب علم نے گھر والوں سے رقم بٹورنے کے لیے اغواء کا ڈرامہ کیا۔ڈی پی او کا کہنا ہے کہ طالب علم نے یونیورسٹی فیس جمع کرانے کے لیے رقم لی اور خرچ کر لی۔طارق عزیز نے مزید کہا ہے کہ طالب علم نے رقم ڈکیتی میں چھن جانے کا ڈرامہ کیا اور مقدمہ درج کرایا۔انہوں نے یہ بھی کہا ہے کہ طالب علم کو لاہور سے پکڑنے کے بعد گھر والوں کے حوالے کر دیا گیا ہے۔
