مانسہرہ: مانسہرہ میں سیلابی ریلے میں بہہ کر 2طالبات جاں بحق جبکہ تیسری کو بچا لیا گیا۔
تفصیلات کے مطابق پولیس کاکہنا ہے کہ مانسہرہ میں بوز بیلہ جبوڑی کے مقام پر دریائے سرن میں سیلابی ریلہ تین طالبات کو ساتھ بہا کر لے گیا ،دو طالبات کی نعشوں کو نکال لیا گیا ،تیسری طالبہ کو مقامی افراد نے زخمی حالت میں نکال کر زندہ بچالیا۔
پولیس کا کہنا ہے کہ طالبات چھٹی کے بعد سکول سے گھر واپس جارہی تھیں۔ پولیس کاکہنا ہے کہ دریائے سرن میں طغیانی بالائی پہاڑی مقامات پرمون سون کی بارشوں یا کلائوڈبرسٹ کا نتیجہ ہو سکتی ہے ۔
