ٹیکس کے دلدل میں پھنسے عوام سے مزید ٹیکس وصولی کی جائے گی۔ آئندہ مالی سال کے بجٹ میں عوام سے 2000 ارب روپے سے زائد ٹیکس لینےکی تیاریاں کی جانے لگیں۔
ذرائع کے مطابق آئندہ مالی سال کا بجٹ آئی ایم ایف کی مشاورت سے تیار کیا جائے گا جس کے لیے پاکستان اور آئی ایم ایف کے درمیان مشاورت کا آغاز آج سے ہو گا۔ پہلے مرحلے میں آئی ایم ایف اسٹاف مشن وزارت خزانہ کا دورہ کرے گا۔ آئی ایم ایف مشن وزیرخزانہ محمد اورنگزیب اور گورنر اسٹیٹ بینک سے ملاقات کرے گا۔
آئندہ مالی سال کا ٹیکس ہدف رواں سال کے مقابلے میں 2000 ارب روپے زیادہ ہو گا۔ بجٹ کیلئے 15ہزار 300 ارب روپے سے زائد ٹیکس آمدن کا ہدف زیرغور آئے گا۔
آئی ایم ایف سے بجٹ میں ٹیکس نیٹ وسیع کرنےکی مختلف تجاویز پر بات ہو گی، سیلز ٹیکس استثنیٰ میں کمی اور اخراجات محدود کرنے پر بھی غور کیا جائے گا۔
ذرائع کا کہنا ہے کہ حکومت ٹیکس ٹو جی ڈی پی شرح میں مزید اضافے پر بات چیت کرے گی اور قرضوں کے بوجھ کو کم کر کے مجموعی معیشت کے 70 فیصدتک لایا جائے گا۔
تازہ ترین خبروں کے لیے پی این آئی کا فیس بک پیج فالو کریں
