لاہور(پی این آئی)وزیر اعلی پنجاب حمزہ شہباز نے تعطیل کے باوجود پہلے دن بھرپور طریقے سے حکومتی امور سر انجام دئیے ۔وزیر اعلی حمزہ شہباز صبح 9 بجے وزیر اعلی آفس پہنچ گئے جہاں انہوں نے امن عامہ سے متعلق اجلاس کی صدارت کی ،وزیر اعلی حمزہ شہباز نے ڈیزل کی قلت کو دور کرنے کے لیے اجلاس کی صدارت کی اور متعلقہ حکام کو ہدایات دیں ۔وزیر اعلی حمزہ شہباز نے گندم اور آٹے کی قیمت کا جائزہ لینے سے متعلق اجلاس کی صدارت بھی کی
،وزیر اعلی حمزہ شہباز بہاولپور کے دورے پر بھی روانہ ہوئے جہاں انہوں نے مختلف اجلاسوں کی صدارت کریں گے ۔ہسپتال اورکوٹ لکھپت جیل کا دورہ بھی وزیر اعلیٰ کے شیڈول میں شامل تھا۔علاوہ ازیں وزیر اعلی پنجاب حمزہ شہباز نے صوبے کے بعض شہروں میں ڈیزل کی قلت کا سخت نوٹس لیتے ہوئے ڈیزل کی ذخیرہ اندوزی کرنے والوں کے خلاف بلاامتیاز ایکشن کا حکم دیدیا ۔ حمزہ شہباز نے ڈیزل کی قلت کی شکایات کے حوالے سے اجلاس کی صدارت کرتے ہوئے کہا کہ
ڈیزل کی دستیابی یقینی بنانے کیلئے ہر ممکن انتظامی اقدام اٹھایا جائے۔حمزہ شہباز کی زیر صدارت ڈیزل کی قلت کے حوالے سے اجلاس اجلاس میں ڈیز ل کی قلت کے خاتمے کیلئے اقدامات کا جائزہ اراکین لیا گیا ۔اویس لغاری، ملک محمد احمد خان، چودھری محمد اقبال، اجمل چیمہ، رمضان صدیق بھٹی، عطا تارڑ، چیف سیکرٹری،پرنسپل سیکرٹری وزیراعلی،متعلقہ سیکرٹریز،کمشنر لاہورڈویژن اورڈی سی لاہوراجلاس میں شریک ہوئے جبکہ تمام کمشنرز اورڈپٹی کمشنرز ویڈیو لنک کے
ذریعے اجلاس میں شریک ہوئے۔حمزہ شہباز نے کہا کہ انتظامیہ اپنے اضلاع میں پٹرول پمپس کو باقاعدگی سے چیک کرے، کاشتکار میرے بھائی ہیں ان کے مسائل کا پورا احساس ہے،ڈیزل کی دستیابی یقینی بنانے کیلئے وفاقی حکومت سے بھی فوری رابطہ کیا جائے۔
