ملک میں سونے کی مقامی اور عالمی قیمتوں میں ایک بار پھر کمی ریکارڈ کی گئی ہے۔
آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونا 3 ہزار 500 روپے سستا ہوکر 4 لاکھ 83 ہزار 36 روپے کا ہوگیا، جبکہ 10 گرام سونے کی قیمت میں 3 ہزار ایک روپے کی کمی ہوئی، جس کے بعد قیمت 4 لاکھ 14 ہزار 125 روپے ہوگئی۔
عالمی بلین مارکیٹ میں بھی سونے کی قیمت میں کمی دیکھی گئی۔ فی اونس سونا 35 ڈالر کمی کے بعد 4 ہزار 605 ڈالر کی سطح پر آگیا۔
دوسری جانب ملک میں چاندی کی قیمت میں اضافہ ہوا۔ فی تولہ چاندی 50 روپے مہنگی ہوکر 7 ہزار 329 روپے جبکہ 10 گرام چاندی 43 روپے اضافے کے بعد 6 ہزار 283 روپے کی ہوگئی۔
