کراچی(پی این آئی)ڈونلڈ ٹرمپ کا رویہ ڈالر کو بھی لے ڈوبا، 7ماہ کی کم ترین سطح پر پہنچ کر ڈالر کی واٹ لگ گئی، امریکی ڈالر کے مقابلے میں پاکستانی روپے کی قدر میں اضافے کا رجحان برقرار ہے۔زرمبادلہ کی دونوں مارکیٹوں میں روپے کی نسبت امریکی ڈالر کی قدر کو تنزلی کا سامنا رہا جس سے انٹربینک و اوپن
مارکیٹ میں ڈالر کی قدر ساڑھے 7 ماہ کم ترین سطح پر آگئی۔ انٹر بینک مارکیٹ میں ڈالرکی قدر اتارچڑھاؤ کے بعد 22 پیسے کی کمی سے 158 روپے 69 پیسے کی سطح پر بند ہوئی۔واضح رہے کہ اس سے ساڑھے 7 ماہ قبل 20 مارچ 2020 کو انٹر بینک میں ڈالر کی قدر 158 روپے67پیسے تھی۔ اسی طرح اوپن کرنسی مارکیٹ میں بھی ڈالر کی قدر ڈالر کی قدر 15 پیسے کی کمی سے 158روپے 65پیسے کی سطح پر بند ہوئی۔
