موسم کے حوالے سے اہم خبر آگئی

محکمہ موسمیات نے کہا ہے کہ ملک کےبیشتر علاقوں میں موسم سرد اور خشک جبکہ پہاڑی علاقوں میں شدید سرد رہنے کا امکان ہے۔ محکمہ موسمیات کی جانب سے بارش کا کوئی امکان نہیں ظاہر کیا گیا ۔

جمعرات کے روز موسم کی صورتحال کے متعلق محکمہ موسمیات کا کہنا ہے کہ اسلام آباد اور گردونواح میں موسم سرد اور خشک رہنے کا امکان ہے۔ خیبرپختونخوا کےبیشتر اضلاع میں موسم سرد اور خشک جبکہ شمالی اضلاع میں صبح اور رات کے اوقات میں شدید سرد رہنے کا امکان ہے، جبکہ دن کے اوقات میں جنوبی اضلاع میں تیز ہوائیں چلنے کی توقع کی گئی ہے۔

محکمہ موسمیات کے مطابق پنجاب کےبیشتر اضلاع میں موسم خشک رہنے کاامکان ہے، جبکہ مری،گلیات اور گردونوا ح میں موسم سرد جبکہ صبح /رات کے اوقات میں شدیدسرد رہنےکا امکان ہے، تاہم دن کے اوقات میں وسطی/جنوبی اضلاع میں تیز ہوائیں چلنے کی توقع ہے۔

سندھ کے بیشتر اضلاع میں موسم خشک رہنے کاامکان ہے، اس دوران تیز ہوائیں چلنے کاامکان ہے۔ بلوچستان کے بیشتر اضلاع میں موسم خشک اور شمالی اضلاع میں سرد رہنے امکان ہے، اس دوران تیز ہوائیں چلنے کاامکان بھی ظاہر کیا گیا ہے۔ اسکے علاوہ کشمیر اور گلگت بلتستان میں موسم سرد اور خشک جبکہ صبح اوررات کے اوقات میں شدید سرد رہنے کا امکان ہے۔